ആദ്യ ചിത്രം വമ്പൻ ഹിറ്റ്; ഭാര്യയുമായി വഴക്ക്; നടൻ ശ്രീകാന്തിനെ ലഹരിക്കടിമയാക്കിയത് തുടർ പരാജയങ്ങളോ?

'പാർത്ഥിപൻ കനവ്' എന്ന ചിത്രത്തിന് തമിഴ്‌നാട് സർക്കാരിന്റെ മികച്ച നടനുള്ള അവാർഡ് നേടിയ താരമാണ് ശ്രീകാന്ത്. തമിഴ് സിനിമയിലെ ഒരു മികച്ച നടനാകുമെന്ന് എല്ലാവരും പ്രതീക്ഷിച്ചിരുന്ന കലാകാരനാണ് ശ്രീകാന്ത്. കരിയറിന്റെ തുടക്കം ഇതുശരിവക്കും വിധമായിരുന്നു. ആദ്യകാല സിനിമകളെല്ലാം പ്രേക്ഷക ശ്രദ്ധയാകർഷിച്ചവയാണ്. എന്നാൽ ഇപ്പോള്‍ അദ്ദേഹം മയക്കുമരുന്ന് കേസിൽ അറസ്റ്റിലായിരിക്കുന്നു. താരശോഭയിൽ നിന്ന് ഇത്തരമൊരു പതനം എങ്ങനെ സംഭവിച്ചുവെന്ന് നോക്കാം.

ഹൈദരാബാദിൽ ജനിച്ച നടൻ ശ്രീകാന്തിന്റെ അച്ഛൻ ഒരു എസ്‌ബി‌ഐ ബാങ്ക് ജീവനക്കാരനാണ്. ചെന്നൈയിലാണ് അദ്ദേഹം സ്കൂൾ വിദ്യാഭ്യാസം പൂർത്തിയാക്കിയത്. കോളേജ് പഠനകാലത്ത് ശ്രീകാന്തിന്റെ ജ്യേഷ്ഠൻ ഡെങ്കിപ്പനി ബാധിച്ച് മരിച്ചു. പഠനം പൂർത്തിയാക്കിയ ശേഷം, എന്തുചെയ്യണമെന്ന് അധികം ആലോചിക്കാതെ ശ്രീകാന്ത് മോഡലിംഗിൽ ശ്രദ്ധ കേന്ദ്രീകരിച്ചു. പിന്നീട്, സിനിമകളിൽ അഭിനയിക്കാൻ അവസരം ലഭിച്ചു.

'കാതൽ വൈറസ്', '12 ബി' എന്നീ ചിത്രങ്ങളിൽ ശ്രീകാന്ത് അഭിനയിക്കേണ്ടതായിരുന്നു. എന്നാൽ ആ അവസരം നഷ്ടപ്പെട്ടു. അതിനുശേഷം, ഭാരതിരാജയുടെയും ബാലചന്ദറിന്റെയും സിനിമകളിൽ അഭിനയിക്കാൻ അദ്ദേഹത്തെ തിരഞ്ഞെടുത്തു, പിന്നീട് അതും നഷ്ടമായി. ഇതെല്ലാം 'റോജാ കൂട്ടം' എന്ന വലിയ ചിത്രത്തിന്റെ വിജയത്തിനുവേണ്ടിയായിരുന്നു.

2002 ൽ പുറത്തിറങ്ങിയ സംവിധായകൻ ശശി സംവിധാനം ചെയ്ത 'റോജ കൂട്ടം' അദ്ദേഹത്തിന്റെ ആദ്യ ചിത്രമാണെങ്കിലും, അത് കലാകാരൻ എന്ന നിലയിൽ ശ്രീകാന്തിന് അംഗീകാരം നൽകി. ചെറുപ്പത്തിൽ തന്നെ തന്റെ ചടുലമായ അഭിനയത്തിലൂടെ അദ്ദേഹം ശ്രദ്ധ ആകർഷിച്ചു. 'ഏപ്രിൽ മാത', 'മനസെല്ലാം', 'പാർത്ഥിപൻ കനവ്' എന്നീ ചിത്രങ്ങളിൽ അദ്ദേഹം തുടർന്നു അഭിനയിച്ചു.

ഒഗരികി ഒഗരു എന്ന ചിത്രത്തിലൂടെയാണ് അദ്ദേഹം തെലുങ്ക് സിനിമയിൽ അരങ്ങേറ്റം കുറിച്ചത്. ഈ ചിത്രവും വളരെയധികം ശ്രദ്ധ നേടി. അതിനുശേഷം, അദ്ദേഹം അഭിനയിച്ച വർണ്ണജാലം, പോസ്, കന കണ്ടേൻ, ഒരു നാൾ ഒരു കനവ് (2005), ബംബര കണ്ണാലെ (2005) എന്നീ ചിത്രങ്ങളിൽ വിജയിച്ചവയും സമ്മിശ്ര പ്രതികരണങ്ങൾ നേടുകയും ചെയ്യവയുണ്ട്.

കഥാ തിരഞ്ഞെടുപ്പുകളിലെ പരാജയം കാരണം തുടർന്നുള്ള ചിത്രങ്ങൾ വലിയ ശ്രദ്ധ നേടിയില്ല. ശങ്കർ സംവിധാനം ചെയ്ത് വിജയ് അഭിനയിച്ച 'നൻപൻ' എന്ന ചിത്രം ശ്രീകാന്തിന്റെ തിരിച്ചുവരവായിരിക്കുമെന്ന് കരുതിയിരുന്നു. പക്ഷേ, നിർഭാഗ്യവശാൽ, അത് നടന്നില്ല.

അതേസമയം, സിനിമയിൽ തിരക്കിലായിരിക്കെ, നടൻ ശ്രീകാന്തും ചെന്നൈയിൽ നിന്നുള്ള വന്ദനയും പ്രണയത്തിലായി. പിന്നീട്, ഇരുവരും കുടുംബത്തിന്റെ അറിവില്ലാതെ വിവാഹിതരായി. മൂന്ന് മാസം ഭാര്യാഭർത്താക്കന്മാരായി ജീവിച്ചു. എന്നാൽ ഭാര്യയായി സ്വീകരിക്കാൻ വിസമ്മതിച്ചതിന് എംബിഎ ബിരുദധാരിയായ വന്ദന പോലീസിൽ പരാതി നൽകി.

കേസ് ഏകദേശം ഒരു വർഷത്തോളം കോടതിയിൽ വാദം കേട്ടു, വന്ദനയ്ക്ക് അനുകൂലമായി വിധി വന്നു. പിന്നീട്, രണ്ട് കുടുംബങ്ങളും ഒത്തുചേർന്ന് ശ്രീകാന്തിനെയും വന്ദനയെയും വീണ്ടും ഒന്നിപ്പിച്ചു. 2008 ൽ എല്ലാവരുടെയും സാന്നാധ്യത്തിൽ അവർ വിവാഹിതരായി. ദമ്പതികൾക്ക് ഇപ്പോൾ രണ്ട് കുട്ടികളുണ്ട്.

‌മയക്കുമരുന്ന് കേസിൽ ശ്രീകാന്ത് അറസ്റ്റിലായത് തമിഴ് സിനിമാ ലോകത്തെ ഞെട്ടിച്ചു. ഒന്നര വർഷമായി അദ്ദേഹം മയക്കുമരുന്ന് ഉപയോഗിക്കുന്നുവെന്നാണ് റിപ്പോർട്ട്. മയക്കുമരുന്ന് ഉപയോഗിച്ചെങ്കിലും അവ ആർക്കും വിറ്റിട്ടില്ലെന്ന് നടൻ പൊലീസിനട് പറഞ്ഞു. സിനിമയിൽ തുടർച്ചയായ പരാജയങ്ങൾ നേരിട്ടതിന് പിന്നാലെയാണ് ലഹരിക്കേസിലും ശ്രീകാന്ത് അറസ്റ്റിലായിരിക്കുന്നത്.