Leo Updates | ഒരു മാറ്റവുമില്ല ! വിജയ്‌യും തൃഷയും അന്നും ഇന്നും ഒരു പോലെ; 'ലിയോ'യുടെ കുടുംബചിത്രങ്ങള്‍

തിയേറ്ററുകളിലെത്താന്‍ ദിവസങ്ങള്‍ മാത്രം ബാക്കി നില്‍ക്കെ പരാതികളും വിവാദങ്ങളുമടക്കം തീര്‍ത്ത കോലാഹലങ്ങള്‍ക്കും ഒടുവില്‍ തെന്നിന്ത്യന്‍ സിനിമാലോകം കാത്തിരുന്ന വിജയ് ചിത്രം ലിയോ ഒടുവില്‍ പ്രേക്ഷകരിലേക്ക് എത്തുകയാണ്.

മാസ്റ്ററിന് ശേഷം ലോകേഷ് കനകരാജ് വിജയുമായി വീണ്ടും ഒന്നിക്കുന്ന ലിയോ ഒരു മുഴുനീള ആക്ഷന്‍ ത്രില്ലര്‍ സിനിമയായാണ് ഒരുക്കിയിരിക്കുന്നതെങ്കിലും ഇമോണല്‍ രംഗങ്ങളും സിനിമയിലുണ്ടാകുമെന്ന് ലോകേഷ് പറഞ്ഞിരുന്നു.

തമിഴില്‍ നിരവധി ആരാധകരുള്ള വിജയ്-തൃഷ താരജോഡി നീണ്ട 14 വര്‍ഷത്തിന് ശേഷം വീണ്ടും സ്ക്രീനിലെത്തുന്നു എന്ന പ്രത്യേകതയുമുണ്ട് ലിയോയ്ക്ക്. സിനിമയുടെ പൂജ ചടങ്ങില്‍ പങ്കെടുക്കാനെത്തിയ ഇരുവരുടെയും ചിത്രങ്ങള്‍ വൈറലായിരുന്നു.

സിനിമയിലെ കൂടുതല്‍ സ്റ്റുില്ലുകള്‍ കഴിഞ്ഞ ദിവസം അണിയറക്കാര്‍ പുറത്തുവിട്ടിരുന്നു. വിജയും തൃഷയും ഉള്‍പ്പെടുന്ന കുറച്ച് ഫാമിലി ഫോട്ടോസാണ് ഇവര്‍ പുറത്തുവിട്ടത്.

ഒന്നിച്ച് അഭിനയിച്ചിട്ട് 14 വര്‍ഷം ആയിട്ടും ഇന്നും ഇരുവരും തമ്മിലുള്ള കെമിസ്ട്രിയ്ക്ക് കുറവ് വന്നിട്ടില്ലെന്ന് ഫോട്ടോ കണ്ട ആരാധകര്‍ പറയുന്നു.

കുമ്പളങ്ങി നൈറ്റ്സിലൂടെ മലയാളികള്‍ക്ക് പ്രിയങ്കരനായ മാത്യു തോമസും തമിഴ് ബാലതാരം ഇയലുമാണ് സിനിമയില്‍ വിജയുടെയും തൃഷയുടെയും മക്കളായി അഭിനയിക്കുന്നത്. മാത്യുവിന്‍റെ തമിഴിലേക്കുള്ള അരങ്ങേറ്റം കൂടിയാണ് ലിയോ.

സംവിധായകന്‍ ഗൗതം മേനോനും നടി പ്രിയ ആനന്ദും രണ്ട് പ്രധാന കതാപാത്രങ്ങളെ ലിയോയില്‍ അവതരിപ്പിക്കുന്നുണ്ട്.

അനിരുദ്ധ് സംഗീതം നല്‍കിയ സിനിമയിലെ മൂന്നാമെത്തെ ഗാനവും അടുത്തിടെ പുറത്തുവന്നിരുന്നു. അന്‍പേനും എന്ന ഒരു മനോഹരമായ മെലഡിയാണ് അനിരുദ്ധ് ചിത്രത്തിനായി ഒരുക്കിയിരിക്കുന്നത്.

സഞ്ജയ് ദത്ത്,അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങിയ താരങ്ങൾ പ്രധാന വേഷങ്ങളിലെത്തുന്നു.

സെവൻ സ്‌ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ലിയോ നിർമിക്കുന്നത്

ശ്രീ ഗോകുലം മൂവിസിന് വേണ്ടി ഗോകുലം ഗോപാലൻ ആണ് കേരളത്തിലെ വിതരണാവകാശം സ്വന്തമാക്കിയത്. ഡ്രീം ബിഗ് ഫിലിംസാണ് കേരളത്തിലെ ഡിസ്ട്രിബൂഷൻ പാർട്ട്നർ.

മനോജ് പരമഹംസയാണ് സിനിമയുടെ ക്യാമറ കൈകാര്യം ചെയ്തിരിക്കുന്നത്. ഒപ്പം ലോകേഷിന്‍റെ വിശ്വസ്തനായ എഡിറ്റര്‍ ഫിലോമിന്‍ രാജ് എഡിറ്റിങ് നിര്‍വഹിച്ച സിനിമയ്ക്ക് യുഎ സര്‍ട്ടിഫിക്കറ്റാണ് ലിയോ നല്‍കിയിരിക്കുന്നത്

കശ്മീര്‍, ചെന്നൈ എന്നിവിടങ്ങളില്‍ ചിത്രീകരണം പൂര്‍ത്തിയാക്കിയ ലിയോയുടെ ഇന്ത്യയിലെ അഡ്വാന്‍സ് ബുക്കിങ് ഒക്ടോബര്‍ 14നോ 15നോ ആരംഭിക്കും