2.89 ലക്ഷം രൂപയുടെ സ്വർണ്ണ മാസ്ക് ധരിച്ച് പൂനെ സ്വദേശി; സാമാന്യയുക്തിയെ ചോദ്യം ചെയ്ത് നെറ്റിസൺസ്

കോവിഡ് പ്രതിരോധത്തിനായി സ്വര്‍ണ്ണം കൊണ്ടുള്ള മാസ്ത് ധരിച്ച പൂനെ സ്വദേശിയുടെ വാർത്തകൾ കഴിഞ്ഞ ദിവസം വൈറലായിരുന്നു. (ചിത്രങ്ങള്‍ക്ക് കടപ്പാട്- ANI)

2.89ലക്ഷം രൂപ മുടക്കിയാണ് പൂനെ പിമ്പിരി-ചിഞ്ച്വാദ് സ്വദേശിയായ ശങ്കർ കുരാഡെ എന്നയാൾ സ്വർണ്ണമാസ്ക് നിർമ്മിച്ചത്. സ്വർണ്ണാഭരണങ്ങളോടുള്ള താത്പ്പര്യം തന്നെയാണ് ശങ്കറിനെ ഇത്തരമൊരു നീക്കത്തിന് പ്രേരിപ്പിച്ചതും. (ചിത്രങ്ങള്‍ക്ക് കടപ്പാട്- ANI)

സ്വർണ്ണം കൊണ്ട് വളരെ നേർത്ത രീതിയിലാണ് മാസ്ക് നിർമിച്ചിരിക്കുന്നത്. ശ്വസിക്കാനായി ചെറിയ ദ്വാരങ്ങളുമുണ്ട് എന്നാണ് ശങ്കർ പറയുന്നത്. <strong>(ചിത്രങ്ങള്‍ക്ക് കടപ്പാട്- ANI)</strong>

ശങ്കറിന്‍റെ സ്വർണ്ണമാസ്ക് വൈറലായതിന് പിന്നാലെ തന്നെ വിമർശിച്ചും പരിഹസിച്ചും സോഷ്യൽ മീഡിയ ട്രോളുകളും സജീവമായിട്ടുണ്ട്

ഇത് യാഥാർഥ്യമാണോ ? പണം കൊണ്ട് സാമാന്യ യുക്തി ഉണ്ടാവില്ല തുടങ്ങിയ തരത്തിലുള്ള പ്രതികരണങ്ങളാണ് ഉയരുന്നത്

മാസ്കിൽ സുഷിരങ്ങൾ ഇല്ലായിരുന്നുവെങ്കിൽ കൂടുതൽ ഫലപ്രദമായേനേ എന്നായിരുന്നു ഒരു വിരുതന്‍റെ കമന്‍റ്

ഇത്രയും പണം കൊണ്ട് ധാരാളം കോട്ടണ്‍ മാസ്കുകൾ വാങ്ങി ഡൊണേറ്റ് ചെയ്യാമായിരുന്നല്ലോ എന്നായിരുന്നു മറ്റൊരാൾ പറയുന്നത്

മണ്ടത്തരം.. ഈ മാസ്ക് ഫലപ്രദമാണോയെന്ന് ഉറപ്പില്ല എന്ന് അയാൾ തന്നെ പറയുന്നുണ്ട്.. ഇതാകും ഒരുപക്ഷെ അയാൾ ജീവിതത്തിൽ ധരിക്കാൻ പോകുന്ന അവസാന സ്വർണ്ണാഭരണം എന്ന തരത്തിലും ഒരാൾ പ്രതികരിച്ചിട്ടുണ്ട്

ഏതായാലും സ്വർണ്ണ മാസ്ക് ധരിച്ചാൽ കൊറോണ വരാതിരിക്കുമോ എന്ന കാര്യത്തിൽ ഉറപ്പില്ല പക്ഷെ ശങ്കറും അദ്ദേഹത്തിന്‍റെ സ്വർണ്ണമാസ്കും സോഷ്യൽ മീഡിയയിൽ വൈറലായിട്ടുണ്ട്. (ചിത്രങ്ങള്‍ക്ക് കടപ്പാട്- ANI)