IPL 2020| ഇന്ത്യൻ ഓപ്പണർ പൃഥ്വിഷാ നടിയുമായി പ്രണയത്തിൽ? ഇൻസ്റ്റഗ്രാം പോസ്റ്റുകൾ തെളിവുകൾ

ഇന്ത്യയ്ക്കു വേണ്ടി ഇതുവരെ കളിച്ച മത്സരങ്ങളിൽ കഴിവ് തെളിയിച്ച് ക്രിക്കറ്റ് ആരാധകരുടെ മനസ് കീഴടക്കിയ താരമാണ് പൃഥ്വി ഷാ. വളരെ കുറച്ച് മത്സരങ്ങളിൽ മാത്രമേ ഇന്ത്യയ്ക്ക് വേണ്ടി കളിച്ചിട്ടുള്ളൂവെങ്കിലും ഇന്ത്യയുടെ ഭാവി വാഗ്ദാനമാണെന്ന് ഈ ഇരുപതുകാരൻ തെളിയിച്ചിട്ടുണ്ട്.

2019ലെ ഐസിസി അണ്ടർ19 വേൾഡ്കപ്പിലെ ജൂനിയർ ഇന്ത്യൻ ടീമിനെ വിജയത്തിലേക്ക് നയിച്ചത് പൃഥ്വിഷായാണ്.

നിലവിൽ ഐപിഎൽ മത്സരങ്ങൾക്കായി യുഎഇയിലാണ് താരം. ഐപിഎല്ലിൽ ഡൽഹി ക്യാപിറ്റൽസ് താരമാണ് പൃഥ്വി.

പൃഥ്വി ഷായും പ്രമുഖ നടിയും പ്രണയത്തിലാണെന്ന അഭ്യൂഹങ്ങൾ സോഷ്യൽ മീഡിയയിൽ ശക്തമായിരിക്കുകയാണ്. നടി പ്രാചി സിംഗുമായി പൃഥ്വി പ്രണയത്തിലാണെന്നാണ് അഭ്യൂഹങ്ങൾ.

ഷായുടെ പോസ്റ്റുകൾക്ക് പ്രാചി നൽകുന്ന കമന്‍റുകളാണ് ഇതിന് തെളിവായി സോഷ്യൽ മീഡിയ കണ്ടെത്തിയിരിക്കുന്നത്.

ഷായുടെ പോസ്റ്റുകൾക്ക് പ്രാചി നൽകിയിരിക്കുന്ന കമന്റുകൾ ഇരുവരും തമ്മിൽ സൗഹൃദത്തിനപ്പുറമുള്ള അടുപ്പമാണെന്ന് വ്യക്തമാക്കുന്നതാണെന്നാണ് ആരാധകർ പറയുന്നത്.

കളേഴ്സ് ടിവിയിലെ ഉദാൻ എന്ന സീരിയലിലൂടെ ശ്രദ്ധേയയാണ് പ്രാചി. ഷായുടെ എല്ലാ പോസ്റ്റുകൾക്കും പ്രാചി കൃത്യമായി കമന്റ് ചെയ്യുന്നുണ്ട്.

അതേസമയം ഇക്കാര്യത്തിൽ പ്രാചിയോ ഷായോ ഇതുവരെ പ്രതികരിച്ചിട്ടില്ല.

അണ്ടർ19 ലോകകപ്പിലെ മികച്ച പ്രകടനത്തിലൂടെയാണ് പൃഥ്വി ഷാ ഇന്ത്യൻ ടീമിലേക്ക് തെരഞ്ഞെടുക്കപ്പെട്ടത്. 25 മത്സരങ്ങളിൽ നിന്ന് 598 റൺസാണ് ഷായുടെ സമ്പാദ്യം.