മലപ്പുറത്തെ ഉപ്പുപ്പമാരുടെയും ഉമ്മൂമ്മമാരുടെയും എനര്‍ജിയുടെ രഹസ്യം ഇനി ഹോര്‍ലിക്സും ബൂസ്റ്റും; വയോജന സംരക്ഷണത്തിന്റെ പുത്തൻ മാതൃക

വയോജന സംരക്ഷണത്തിന്റെ പുത്തൻറ മാതൃക തീര്‍ത്ത് മലപ്പുറം നഗരസഭ. ഹോർലിക്സ്, ബൂസ്റ്റ്, ഓട്സ്, കോൺഫ്ലക്സ്, റാഗിപ്പൊടി, അവിൽ പ്രീമിയം പോഷകാഹാരങ്ങള്‍ അടങ്ങിയ കിറ്റ് വയോജനങ്ങള്‍ക്ക് വിതരണം ചെയ്തു കൊണ്ടാണ് നഗരസഭ പുതിയ പദ്ധതിയ്ക്ക് തുടക്കം കുറിച്ചത്.(ചിത്രം: അനുമോദ് സി.വി)

60 പിന്നിട്ട എല്ലാവര്ക്കും പോഷകാഹാര കിറ്റ് സൗജന്യമായി നൽകി മാതൃക തീർക്കുകയാണ് മലപ്പുറം നഗരസഭ . നഗരസഭ പ്രദേശത്തെ അറുപത് വയസ്സ് പൂർത്തിയായ ആളുകൾക്ക് എ.പി.എൽ, ബി.പി.എൽ വ്യത്യാസമില്ലാതെ ഹോർലിക്സ്, ബൂസ്റ്റ്, ഓട്സ്, കോൺഫ്ലക്സ്, റാഗിപ്പൊടി, അവിൽ തുടങ്ങിയ ആറിനങ്ങളുള്ള കിറ്റാണ് നഗരസഭ നൽകുന്നത്.(ചിത്രം: അനുമോദ് സി.വി)

നഗരസഭ പ്രദേശത്തെ അറുപത് വയസ്സ് പൂർത്തിയായ ആളുകൾക്ക് എ.പി.എൽ, ബി.പി.എൽ വ്യത്യാസമില്ലാതെ ഹോർലിക്സ്, ബൂസ്റ്റ്, ഓട്സ്, കോൺഫ്ലക്സ്, റാഗിപ്പൊടി, അവിൽ തുടങ്ങിയ ആറിനങ്ങളുള്ള കിറ്റാണ് നഗരസഭ നൽകുന്നത്. നഗരസഭ പ്രദേശത്ത് 6043 പേരാണ് ഇതിൻ്റെ ഗുണഭോക്താക്കൾ ആയിട്ടുള്ളത്.(ചിത്രം: അനുമോദ് സി.വി)

തദ്ദേശസ്വയംഭരണ സ്ഥാപനങ്ങളുടെ പദ്ധതി മാർഗ്ഗരേഖയിൽ ഇത്തരത്തിൽ കിറ്റ് നൽകാൻ അനുമതിയില്ലാത്തതിനാൽ നൂതന പദ്ധതികൾക്ക് അംഗീകാരം നൽകുന്ന ജില്ല കലക്ടർ അധ്യക്ഷനായ കമ്മിറ്റിയുടെ പ്രത്യേക അനുമതി വാങ്ങിയാണ് നഗരസഭ ഈ പദ്ധതി നടപ്പിലാക്കുന്നത് എന്ന് നഗരസഭാ ചെയർമാൻ മുജീബ് കാടേരി പറഞ്ഞു .(ചിത്രം: അനുമോദ് സി.വി)

ഒരു കിറ്റിന് 1000 രൂപയിൽ അധികം ചെലവ് കണക്കാക്കുന്നുണ്ട് . 60 ലക്ഷം രൂപയോളം ചെലവ് പദ്ധതിക്ക് കണക്കാക്കുന്നുണ്ട് . നന്മയുള്ള മലപ്പുറം നഗരസഭ എന്ന ടൈറ്റിലിൽ പ്രത്യേകം തയ്യാറാക്കിയ കിറ്റുകളിലാണ് ഗുണഭോക്താക്കൾക്ക് പ്രീമിയം സാധനങ്ങൾ വീടുകളിൽ എത്തിക്കുന്നത്.(ചിത്രം: അനുമോദ് സി.വി)

സംസ്ഥാനത്ത് ആദ്യമായിട്ടാണ് ഇത്തരത്തിൽ പ്രീമിയം ഉൽപ്പന്നങ്ങൾ അടങ്ങിയ കിറ്റുകൾ പദ്ധതിയുടെ ഭാഗമായി ജനങ്ങൾക്ക് നൽകുന്ന പദ്ധതി നടപ്പിലാക്കുന്നത്. വ്യത്യസ്തവും, നവീനവും, വേറിട്ടതുമായ, നിരവധി വയോജന പദ്ധതികൾ ഇതിനകം നഗരസഭ നടപ്പിലാക്കുകയുണ്ടായി .(ചിത്രം: അനുമോദ് സി.വി)

അറുപത് വയസ്സ് കഴിഞ്ഞവർക്ക് മാത്രം കൂടിയിരുന്ന് നഗരപ്രദേശങ്ങളിൽ അവരുടെ പകൽവേളകൾ ചെലവഴിക്കുന്നതിനുള്ള ബഡായി ബസാറുകൾ ഇതിനകം നഗരസഭ നിർമ്മിച്ചത് ഏറെ പ്രശംസക്ക് അർഹമാക്കിയിരുന്നു.(ചിത്രം: അനുമോദ് സി.വി)

കൂടാതെ നഗരസഭയുടെ കീഴിൽ മേൽമുറി വടക്കേപ്പുറത്ത് സ്ഥിതി ചെയ്യുന്ന സായംപ്രഭ വയോജനകേന്ദ്രം സമ്പൂർണ്ണമായി ശീതീകരിച്ച് ആധുനിക സൗകര്യങ്ങൾ ഉള്ള പകൽവീടാക്കി നഗരസഭ മാറ്റിയിരുന്നു.(ചിത്രം: അനുമോദ് സി.വി)

കൂടാതെ വയോജനങ്ങൾക്ക് പ്രമേയം പ്രഷർ എന്നിവ പരിശോധിക്കുന്നതിനുള്ള ഉപകരണങ്ങളും പദ്ധതിയുടെ ഭാഗമായി നഗരസഭയിൽ വിതരണം ചെയ്യുന്നുണ്ട്. (ചിത്രം: അനുമോദ് സി.വി)

വയോജനങ്ങൾക്ക് കട്ടിൽ ഉൾപ്പെടെയുള്ളവ നൽകി സംസ്ഥാനത്തു തന്നെ ഏറ്റവും അധികം വയോജനക്ഷേമ പദ്ധതികൾ നടപ്പിലാക്കിയ നഗരസഭയായി മലപ്പുറം നഗരസഭ മാറിയിട്ടുണ്ട്. (ചിത്രം: അനുമോദ് സി.വി)