ബിജെപിയെ നേരിടാൻ ശിവസേനയെ കൂട്ടുപിടിച്ചതിൽ തെറ്റില്ല: ആര്യാടൻ

മഹാരാഷ്ട്രയിൽ കോൺഗ്രസ് എടുത്ത നിലപാടാണ് ശരിയെന്ന് മുൻ മന്ത്രി ആര്യാടൻ മുഹമ്മദ്.

വലിയ ശത്രുവിനെ നേരിടാൻ ചെറിയ ശത്രുക്കളെ കൂടെ കൂട്ടുന്നതിൽ തെറ്റില്ലെന്നും അദ്ദേഹം പറഞ്ഞു. കോൺഗ്രസിന്റെ ഏറ്റവും വലിയ ശത്രു ബിജെപി ആണെന്നും അദ്ദേഹം പറഞ്ഞു.

മതേതരത്വത്തിൽ ഉറച്ചു നിന്നുള്ള നിലപാട് മാത്രമേ എടുക്കാവൂ എന്നും, കാർഷിക കടങ്ങൾ എഴുതി തള്ളണമെന്നും, സാമുദായികമായ ചേരിതിരിവ് ഉണ്ടാക്കാൻ പാടില്ല തുടങ്ങിയ നിർദ്ദേശങ്ങൾ വെച്ചതിനു ശേഷമാണ് ശിവസേനയുമായി മഹാരാഷ്ട്ര ഭരണത്തിൽ പങ്കാളികളായതെന്നും ആര്യാടൻ മുഹമ്മദ് കൂട്ടിച്ചേർത്തു.

മലപ്പുറം എടവണ്ണയിൽ മണ്ഡലം കോൺഗ്രസ് കമ്മിറ്റി സംഘടിപ്പിച്ച നേതൃത്വം ക്യാമ്പിൽ സംസാരിക്കുകയായിരുന്നു അദ്ദേഹം.