ആലപ്പുഴയിൽ മൂന്നിടത്ത് വാഹനാപകടം; മൂന്ന് മരണം

ആലപ്പുഴ: ആലപ്പുഴയിൽ മൂന്ന് വ്യത്യസ്ത സ്ഥലങ്ങളിലൂണ്ടായ വാഹനാപകടങ്ങളിൽ മൂന്ന് പേർ മരിച്ചു. മരിച്ചവരിൽ ഒരു തമിഴ്നാട് സ്വദേശിയും ഉൾപ്പെടുന്നു.

കുത്തിയതോട് പുത്തൻചന്തയിൽ ഇരുചക്രവാഹനത്തിൽ ബസ് ഇടിച്ചുണ്ടായ അപകടത്തിൽ മധുര സ്വദേശി മരിച്ചു. അവസാന വർഷ നിയമവിദ്യാർഥി അജിത്താണ് മരിച്ചത്.

രാവിലെ 8 മണിയോടെ ഉണ്ടായ അപകടത്തിൽ, അജിത്തിന്റെ തലയിലൂടെ വാഹനം കയറിയിറങ്ങി.

മുഹമ്മ സി എം എസ് സ്കൂളിനു സമീപം പുലർച്ചെ അ‍ജ്ഞാത വാഹനം ഇടിച്ച് ഇരുചക്ര വാഹന യാത്രികൻ മരിച്ചു. പുത്തനങ്ങാടി സ്വദേശി റിൻസാണ് മരിച്ചത്.

എടത്വയിൽ, രാവിലെ അറുമണിയോടെ റോഡ് മുറിച്ചു കടന്ന വീട്ടമ്മ കാറിടിച്ചു മരിച്ചു. പച്ച സ്വദേശിനി സിസിലിക്കുട്ടി ജോസഫ് എന്ന 67 കാരിയാണ് മരിച്ചത്.