ലോറി ഇടിച്ച് ബൈക്ക് യാത്രികരായ പിതാവിനും മകനും ഗുരുതര പരിക്ക്

തിരുവനന്തപുരം: ലോറി ഇടിച്ച് ബൈക്ക് യാത്രികരായ പിതാവിനും മകനും ഗുരുതര പരിക്ക്. മരുതും കുഴി സ്വദേശികളായ സതീഷ് മകൻ സഞ്ജീവ് എന്നിവർക്കാണ് പരിക്കുപറ്റിയത്. തൈക്കാട് ബൈപാസ് ജംഗ്ഷന് സമീപമാണു രാവിലെ 9 മണിയോടെ അപകടം.

വെഞ്ഞാറമൂട് ഭാഗത്തേയ്ക്ക് വരുകയായിരുന്ന ബൈക്കും എതിർ ദിശയിൽ വരുകയായിരുന്ന ലോറിയും തമ്മിൽ കൂട്ടിയിടിച്ചായിരുന്നു അപകടം. ഇടിയുടെ ആഘാതത്തിൽ റോഡിലേയ്ക്ക് തെറിച്ചുവീണ പിതാവിന്റെ കാലിൽ ലോറി കയറി ഇറങ്ങി.

ഗുരുതരമായി പരിക്കേറ്റ ഇരുവരെയും വെഞ്ഞാറമൂട് ഫയർഫോഴ്സിന്റെ ആംബുലൻസിൽ തിരുവനന്തപുരം മെഡിക്കൽ കോളേജ് ആശുപത്രിയിൽ എത്തിച്ചു. മകനെ പരീക്ഷയ്ക്ക് കൊണ്ടു പോകുന്ന വഴിയാണ് അപകടം സംഭവിച്ചത്. വെഞ്ഞാറമൂട് പൊലീസ് മേൽനടപടി സ്വീകരിച്ചു.

വെഞ്ഞാറമൂട് തൈക്കാട് ബൈപ്പാസിലേക്ക് പ്രവേശിക്കുന്ന ഭാഗത്താണ് അപകടം നടന്നത്.

വെഞ്ഞാറമൂട് അപകടത്തിന് പിന്നാലെ ഫയർഫോഴ്സ് അംഗങ്ങൾ എത്തി രക്ഷാപ്രവർ‍ത്തനം നടത്തുന്നു

വെഞ്ഞാറമൂട് അപകടം നടന്ന സ്ഥലത്തെ ദൃശ്യങ്ങൾ

അപകടത്തിൽ പരിക്കേറ്റവരെ ഫയർഫോഴ്സ് ആംബുലൻസിൽ മെഡിക്കൽ കോളജ് ആശുപത്രിയിലേക്ക് കൊണ്ടുപോകുന്നു