Suhasini | 60-ാം വയസ്സിലും സുഹാസിനിക്ക് നീണ്ട് ഇടതൂർന്ന മുടി; രഹസ്യം എന്താണെന്ന് ആരാധികയുടെ ചോദ്യം

നടി സുഹാസിനിക്ക് (Suhasini Maniratnam) വയസ്സ് 60 ആയി എന്ന് പറഞ്ഞാൽ കാലം എത്ര വേഗം കടന്നു പോയി എന്ന് ചിന്തിക്കാത്തവരായി ആരുമുണ്ടാവില്ല. പ്രായത്തെ കടിഞ്ഞാണിട്ട് നിർത്തുന്ന പ്രകൃതക്കാരിയാണ് സുഹാസിനി. അമ്മ വേഷങ്ങളിലേക്ക് മാറിയപ്പോഴും ഇന്നും സുഹാസിനിക്ക് എന്ത് ചെറുപ്പം എന്ന് പലരും അത്ഭുതം കൂറി

പക്ഷെ പ്രായമിത്ര കഴിഞ്ഞിട്ടും ഇന്നും സുഹാസിനിയുടെ തലമുടി അഴകിന് ഒരു കോട്ടവും തട്ടിയിട്ടില്ല. ഇടുപ്പിനു താഴേക്ക് നീണ്ട് കിടക്കുന്ന മുടിയാണ് സുഹാസിനിയുടെ അഴക്. ഇൻസ്റ്റഗ്രാമിൽ സജീവമായ സുഹാസിനി മണിരത്നം കഴിഞ്ഞ ദിവസം തന്റെ ചില ചിത്രങ്ങൾ പോസ്റ്റ് ചെയ്തിരുന്നു. ഇതുകണ്ട ഒരു ആരാധികയ്ക്ക് ആ തലമുടിയുടെ രഹസ്യം എന്താണെന്ന് അറിയാനുള്ള കൗതുകമുണ്ടായി. സുഹാസിനി മറുപടി നൽകുകയും ചെയ്‌തു (തുടർന്ന് വായിക്കുക)

നമുക്ക് ഏതു തരം തലമുടിയാണോ ഉള്ളത്, അതിൽ സന്തോഷം കണ്ടെത്തുക എന്നായിരുന്നു സുഹാസിനിയുടെ മറുപടി. ഈ മറുപടിയിൽ തൃപ്തയായ ആരാധിക തന്റെ നന്ദി അറിയിക്കുകയും ചെയ്‌തു

[caption id="attachment_498567" align="alignnone" width="1600"] സുഹാസിനിയുടെ പോസ്റ്റിനു വന്ന കമന്റും, അതിന് അവർ നൽകിയ മറുപടിയും. ഇടതൂർന്ന മുടിയാണ് നടി ഖുശ്‌ബുവിനും. താൻ തലമുടിയിൽ പരീക്ഷിക്കുന്നതെന്ത് എന്ന് ഖുശ്‌ബു ആരാധകരോട് വെളിപ്പെടുത്തുകയും ചെയ്തിരുന്നു</dd> <dd>[/caption]

ബാലതാരമായി സിനിമാ ജീവിതം ആരംഭിച്ച്, പിന്നീട് തെന്നിന്ത്യൻ താരപരിവേഷം ലഭിച്ച അഭിനേത്രിയാണ് ഖുശ്‌ബു. പിൽക്കാലത്ത് രാഷ്ട്രീയ ലോകത്തും ഖുശ്‌ബു തന്റേതായ നിലയിൽ ഇരിപ്പിടം നേടി. രജനികാന്ത്, കമൽഹാസൻ, പ്രഭു, ചിരഞ്ജീവി, സുരേഷ് ഗോപി തുടങ്ങിയ മുൻനിര നായകന്മാർക്കെല്ലാം ഒപ്പം ഖുശ്‌ബു നായികയായി  അഭിനയിച്ചു

മുംബൈ ആണ് സ്വദേശമെങ്കിലും കരിയറും ജീവിതവും ഖുശ്ബുവിനെ തേടി വന്നത് തെന്നിന്ത്യയിൽ നിന്നുമാണ്. സുന്ദറിന്റെ ജീവിതപങ്കാളിയായ ശേഷം ഇവർ ചേർന്നൊരു നിർമ്മാണ കമ്പനി ആരംഭിക്കുകയും ചെയ്‌തു. ഗോതമ്പിന്റെ തിളക്കമുള്ള ഉത്തരേന്ത്യൻ സുന്ദരിയുടെ തലമുടി പലരും ശ്രദ്ധിച്ചിരിക്കും. അഭിനയ നാളുകളിൽ തോളൊപ്പം മുറിച്ച ഇടതൂർന്ന മുടിയാണ് ഖുശ്‌ബുവിനുണ്ടായിരുന്നത്. ഈ തലമുടിയുടെ പരിപാലനം എങ്ങനെ എന്ന് പറഞ്ഞുകൊണ്ടുള്ള പോസ്റ്റുമായി ഖുശ്‌ബു ഇൻസ്റ്റഗ്രാമിൽ വന്നിരുന്നു

ബ്യൂട്ടി പാർലറിലോ സ്പായിലോ പോയി പണം നൽകി മോടിപിടിപ്പിച്ച തലമുടിയല്ല ഖുശ്‌ബുവിന്റേത്. വീട്ടിൽ തന്നെ തയാറാക്കുന്ന ഒരു നാട്ടുമരുന്നാണ് തലമുടി അഴകിന്റെ പിന്നിൽ. ഈ പാക്ക് ഉപയോഗിച്ചാൽ ആരോഗ്യവും, ബലവുമുള്ള, ഇടതൂർന്ന മിനുസ്സമാർന്ന തലമുടി നിങ്ങൾക്കും സ്വന്തമാക്കാം. അതിനുള്ള കൂട്ട് കേട്ടോളൂ

ഉലുവ, ചെമ്പരത്തി പൂവും തളിരിലകളും, തൈര്, മുട്ട, ലാവെണ്ടർ അഥവാ റോസ്മേരി എണ്ണ ഇവയെല്ലാമാണ് അവശ്യം വേണ്ട വസ്തുക്കൾ. ഇനി തയാറാക്കേണ്ട രീതി കേട്ടോളൂ...

ഉലുവ തലേന്ന് രാത്രി വെള്ളത്തിൽ കുതിർക്കുക. പിറ്റേ ദിവസം രാവിലെ ഇതിനെ കുഴമ്പ് രൂപത്തിൽ അരച്ചെടുക്കാം. അതിലേക്ക് ചെമ്പരത്തി പൂവും ഇലകളും തൈരും മുട്ടയും ഏതാനും തുള്ളി ലാവെണ്ടർ അഥവാ റോസ്മേരി എണ്ണ കൂടി ചേർക്കുക

ഒരു മണിക്കൂറോളം ഇത് തലമുടിയിൽ തേച്ചുപിടിപ്പിക്കുക. ഒരു നല്ല ഷാംപു ഉപയോഗിച്ച് കഴുകിക്കളയുക. ശേഷം കണ്ടിഷൻ ചെയ്യാം. അത്രയും മാത്രം ചെയ്താൽ ഖുശ്‌ബുവിന്റേത് പോലുള്ള അഴകാർന്ന തലമുടി ലഭിക്കും എന്നാണ് പോസ്റ്റിൽ പറയുന്നത്