Honda Elevate| ഹോണ്ട എലിവേറ്റ് എത്തി; ക്രെറ്റയും സെൽറ്റോസും വിറ്റാരയുമായി ഇനി മത്സരം പൊടിപൊടിക്കും

ഹോണ്ടയുടെ പുതിയ എസ്‍യുവി എലിവേറ്റ് ഇന്ത്യയിലെത്തി. ജാപ്പനീസ് ഓട്ടോമൊബൈൽ ഭീമനിൽ നിന്നുള്ള ആദ്യത്തെ മിഡ്-സൈസ് എസ്‌യുവിയാണ് ഹോണ്ട എലിവേറ്റ്. 10.99 ലക്ഷം രൂപ മുതൽ 15.99 ലക്ഷം രൂപ വരെയാണ് പ്രാരംഭവില‌. നാലു വകഭേദങ്ങളിലായി പെട്രോൾ മാനുവൽ, സിവിടി ഗിയർബോക്സുകളിൽ ലഭിക്കുന്ന വാഹനത്തിന്റെ എസ്‌വി വേരിയന്റിന് 10.99 ലക്ഷം രൂപയാണ് വില. (Photo: Shahrukh Shah/ News18.com)

രണ്ടാമത്തെ മോഡൽ വി മാനുവലാണ്. 12.10 ലക്ഷം രൂപയും വി ഓട്ടമാറ്റിക്കിന് 13.20 ലക്ഷം രൂപയുമാണ്. വിഎക്സ് മാനുവലിന് 13.49 ലക്ഷം രൂപയും വിഎക്സ് സിവിടിക്ക് 14.59 ലക്ഷം രൂപയുമാണ് വില. ഉയർന്ന വകഭേദം ഇസഡ് എക്സ് മാനുവലിന് 14.89 ലക്ഷം രൂപയും ഇഡസ് എക്സ് സിവിടിക്ക് 15.99 ലക്ഷം രൂപയും വരും. (Photo: Shahrukh Shah/ News18.com)

ഹ്യുണ്ടേയ് ക്രെറ്റ, കിയ സെൽറ്റോസ്, ഗ്രാൻഡ് വിറ്റാര തുടങ്ങിയ വാഹനങ്ങളുമായിട്ടാണ് എലിവേറ്റ് മത്സരിക്കുക. പെട്രോൾ മാനുവൽ, ഓട്ടമാറ്റിക്ക് മോഡലുകളിൽ പുതിയ വാഹനം ലഭിക്കും.  (Photo: Shahrukh Shah/ News18.com)

എസ്‌യുവി വിപണിയിലേക്കുള്ള വമ്പൻ തിരിച്ചുവരവ് ലക്ഷ്യമിട്ടെത്തുന്ന എലിവേറ്റിന്റെ ഗ്ലോബൽ അൺവീലിങ് ന്യൂഡൽഹിയിലാണ് നടന്നത്. ഇതാദ്യമായാണ് മിഡ്സൈസ് എസ്‌യുവി ഹോണ്ട ആഗോളതലത്തിൽ അവതരിപ്പിക്കുന്നത്. എസ്‌വി, വി, വിഎക്സ്, ഇഡസ് എക്സ് എന്നീ വകഭേദങ്ങളിൽ ലഭിക്കുന്ന വാഹനത്തിന് 4312 എംഎം നീളവും 1790 എംഎം വീതിയും 1650 എംഎം ഉയരവുമുണ്ട്.  (Photo: Shahrukh Shah/ News18.com)

220 എംഎം ആണ് ഗ്രൗണ്ട് ക്ലിയറൻസ്. അടിസ്ഥാന വകഭേദമായ എസ്‍‌‌വി മുതൽ എൽഇഡി പ്രൊജക്ടർ ഹെഡ്‌ലാംപ്, എൽഇഡി ടെയിൽലാംപ്, ഹോണ്ടയുടെ സ്മാർട്ട് എൻട്രി സിസ്റ്റത്തോടു കൂടിയ എഞ്ചിൻ പുഷ് ബട്ടൺ സ്റ്റാർട്ടർ, ഡുവൽ എയർബാഗുകൾ എന്നിവയുണ്ട്. (Photo: Shahrukh Shah/ News18.com)

ഉയർന്ന വകഭേദമായ ഇസഡ് എക്സിൽ ഹോണ്ട സെൻസ് എന്ന എഡിഎഎസ്, സൈഡ്, കർട്ടൻ എയർബാഗുകൾ, 10.25 ഇഞ്ച് ഫ്ലോട്ടിങ് അഡ്വാൻസിഡ് ടച്ച്സ്ക്രീൻ ഇൻഫോടെയിൻമെന്റ് സിസ്റ്റം, എട്ട് സ്പീക്കറുകൾ, ലതറേറ്റ് അപ്ഹോൾസറി എന്നിവയുണ്ട്.  (Photo: Shahrukh Shah/ News18.com)

മുൻഭാഗത്തെ വലുപ്പമുള്ള ഗ്രിൽ മികച്ച ലുക്ക് നൽകുന്നുണ്ട്. മനോഹരവും കനം കുറഞ്ഞതുമായതാണ് ഹെഡ്‌ലാംപും ടെയിൽ ലാംപും. എലിവേറ്റിന് 4.2 മീറ്റർ നീളവും 1.65 മീറ്റർ ഉയരവും 1.79 മീറ്റർ വീതിയുമുണ്ട്. 220 എംഎം ആണ് ഗ്രൗണ്ട് ക്ലിയറൻസ്. (Photo: Shahrukh Shah/ News18.com)

ഹോണ്ടയുടെ 1.5 ലീറ്റർ ഐവിടെക് ഡിഒഎച്ച്സി എൻജിനാണ് എലിവേറ്റിന്റെ ഹൃദയം. 6 സ്പീഡ് മാനുവൽ, 7 സ്പീഡ് സിവിറ്റി ഗിയർബോക്സുകളുമായി വാഹനമെത്തും. എൻജിൻ 121PS കരുത്തും 145.1 ടോർക്കും ഉൽപാദിപ്പിക്കും. (Photo: Shahrukh Shah/ News18.com)

അടുത്ത മൂന്ന് വർഷത്തിനുള്ളിൽ ബാറ്ററിയിൽ പ്രവർത്തിക്കുന്ന എലിവേറ്റ് കൊണ്ടുവരുമെന്നാണ് ഹോണ്ടയുടെ വാഗ്ദാനം പറയുന്നു. നിലവിൽ ഹോണ്ട സെഡാനുകൾ മാത്രമാണ് ഇന്ത്യൻ വിപണിയിൽ വിൽക്കുന്നത്. (Photo: Shahrukh Shah/ News18.com)

എലിവേറ്റിന്റെ ഇന്ധനക്ഷമതാ കണക്കുകൾ നേരത്തെ ഹോണ്ട പുറത്തുവിട്ടിരുന്നു.1.5 ലീറ്റർ പെട്രോൾ എൻജിൻ ഉപയോഗിക്കുന്ന വാഹനത്തിന്റെ 6 സ്പീഡ് മാനുവൽ പതിപ്പിന് ലീറ്ററിന് 15.31 കിലോമീറ്ററും സിവിടി പതിപ്പിന് 16.92 കിലോമീറ്ററുമാണ് ഇന്ധനക്ഷമത. (Photo: Shahrukh Shah/ News18.com)