സമാന്തര ടെലിഫോൺ എക്സ്ചേഞ്ച്  കണ്ടെത്തി

കണ്ണൂർ കാക്കയങ്ങാട് സമാന്തര ടെലിഫോൺ എക്സ്ചേഞ്ച് പോലീസ് കണ്ടെത്തി. 

കേസിൽ കാക്കേയങ്ങാട് സ്വദേശി അബ്ദുള്‍ ഗഫൂറിനെ (34) കസ്റ്റഡിയില്‍ എടുത്തു.

കാക്കയങ്ങാട് കവലയിൽ വിവോ സെന്‍റ്റോ ഷോപ്പിങ് കോംപ്ലെക്സിന്‍റെ ഒന്നാം നിലയില്‍ സിപ്പ് സോഫ്റ്റ് ടെക്നോളജി എന്ന ഷോപ്പിലാണ് സമാന്തര ടെലിഫോണ്‍ എക്സ്ചെയ്ഞ്ച് പ്രവര്‍ത്തിപ്പിച്ചിരുന്നത്.

സമാന്തര ടെലിഫോൺ എക്സ്ചേഞ്ച് പോലീസ് റെയ്ഡ് ചെയ്തു. മുഴക്കുന്ന് പോലീസ് സ്റ്റേഷന്‍ സബ്ബ് ഇന്‍സ്പെക്ടര്‍ ബിജോയ് എം എന്‍ നേതൃത്വത്തിലായിരുന്നു പരിശോധന.

32 Port 128 സിം സ്ലോട്ട് VOIP gate way, GSMA VOIP terminator, 256 ഓളം സിം കാർഡുകൾ ഉപയോഗിക്കാവുന്ന സിം കിറ്റ്, മൊബൈൽ ഫോൺ, 80 ഓളം സിം കാർഡുകൾ, 3 മോഡം എന്നിവ റെയിഡില്‍ പിടികൂടി സീസ് ചെയ്തു.

ഐപിസി 420 വകുപ്പ് പ്രകാരവും , ഇന്ത്യൻ ടെലിഗ്രാഫ് ആക്ട് ആക്ട്, ഇന്ത്യൻ വയർലെസ് ടെലിഗ്രാഫി ആക്ട് 1933 എന്നീ നിയമങ്ങൾ പ്രകാരം പോലീസ് കേസ്സ് രജിസ്റ്റര്‍ ചെയ്തു അന്വേഷണം ആരംഭിച്ചു.

ഇൻറർനെറ്റ് ഉപയോഗിച്ച് കോൾ റൂട്ട് ചെയ്ത് ചെറിയ വാടകയ്ക്ക് ഉപഭോക്താക്കൾക്ക് നൽകി വൻ ലാഭമുണ്ടാക്കുന്ന സംവിധാനമാണ് സമാന്തര എക്സ്ചേഞ്ചുകൾ.

വിവിധ സർവ്വീസ് പ്രൊവൈഡർമാർക്ക് ലഭിക്കേണ്ട വാടക തുക ഇതുവഴി നഷ്ടമാകും.

ഇതിന്റെ യഥാർത്ഥ നഷ്ടം ഇതു വരെ കണക്കാക്കാൻ സാധിച്ചിട്ടില്ല.

രാജസ്ഥാനിൽ നിന്നാണ് സാങ്കേതിക സംവിധാനം കണ്ണൂരിൽ എത്തിച്ചിട്ടുള്ളത്.