പുതുവൈപ്പ് വീണ്ടും പുകയുന്നു; നിരോധനം ലംഘിച്ച് ബഹുജന മാർച്ച്

പുതുവൈപ്പ് എല്‍പിജി ടെര്‍മിനല്‍ നിര്‍മ്മാണത്തിനെതിരെ നിരോധനാജ്ഞ ലംഘിച്ച് ജനകീയസമരസമിതിയുടെ പ്രതിഷേധം. പദ്ധതി പ്രദേശത്ത് മാർച്ച് നടത്തിയ സ്ത്രീകളും കുട്ടികളുമടക്കമുള്ളവരെ പൊലീസ് അറസ്റ്റ് ചെയ്ത് നീക്കി.

ചൈൽഡ് വെൽഫെയർ കമ്മിറ്റിയുടെ നേതൃത്വത്തിലാണ് സ്ത്രീകൾക്കൊപ്പമുള്ള കുട്ടികളെ സ്ഥലത്തു നിന്നും മാറ്റിയത്.

നിരോധനാജ്ഞ ലംഘിച്ചാല്‍ കടുത്ത നടപടികളുണ്ടാകുമെന്ന പൊലീസ് മുന്നറിയിപ്പിനെ അവഗണിച്ചാണ് ജനകീയ സമരസമിതി പദ്ധതി പ്രദേശത്തേക്ക് മാര്‍ച്ച് നടത്തിയത്.

പദ്ധതി പ്രദേശത്തിന് സമീപം പൊലീസ് മാർച്ച് തടഞ്ഞതോടെ സമരക്കാർ റോഡിൽ കുത്തിയിരുന്നു പ്രതിഷേധിച്ചു.

പിരിഞ്ഞു പോകാൻ ആവശ്യപ്പെട്ടെങ്കിലും പ്രതിഷേധക്കാർ അതിന് കൂട്ടാക്കിയില്ല.

ഡി സി പി പൂങ്കുഴലിയുടെ നേതൃത്വത്തിലാണ് പൊലീസ് സമരക്കാരെ അറസ്റ്റ് ചെയ്ത് നീക്കിയത്.

നൂറ് കണക്കിന് പൊലീസുകാർ പുലർച്ചെ മുതൽ പ്രദേശത്ത് എത്തിയിരുന്നു.

കഴിഞ്ഞ തിങ്കളാഴ്ച പുലർച്ചെ 2 മണിക്ക് നിരോധനാജ്ഞ പ്രഖ്യാപിച്ചു കൊണ്ടാണ് എൽപിജി ടെർമിനലിന്റെ നിർമാണം പുനരാരംഭിച്ചത്.

വരും ദിവസങ്ങളിൽ സമരം കൂടുതൽ ശക്തമാക്കാനാണ് സമര സമിതിയുടെ തീരുമാനം.

News18

News18

News18

News18