അങ്ങനെ സൂര്യക്ക് വീടായി: ബധിരയും മൂകയുമായ കുട്ടിക്ക് താക്കോൽ കൈമാറിയത് മന്ത്രി തോമസ് ഐസക്

പ്ലാസ്റ്റിക്ക് ഷീറ്റ് കൊണ്ട് മറച്ച ഒറ്റ മുറി വീട്ടില്‍ കഴിഞ്ഞിരുന്ന സൂര്യ ഇനി അടച്ചുറപ്പുള്ള വീട്ടിലേക്ക്.

ബധിരയും മൂകയും ആയിരുന്ന സൂര്യ പഠനത്തിൽ മിഠുക്കി ആയിരുന്നു. ഇതിനെ തുടർന്ന് പി കൃഷ്ണപിള്ള സ്മാരക ട്രസ്റ്റ് പഠന പിന്തുണ പദ്ധതിയില്‍പ്പെടുത്തി കുട്ടിയെ ദത്തെടുത്തിരുന്നു.

കുട്ടിക്ക് സുരക്ഷിതമായ ഒരു വീട് നിര്‍മ്മിക്കാന്‍ തീരുമാനം ആയെങ്കിലും പക്ഷേ താമസിച്ചിരുന്ന സ്ഥലം തര്‍ക്കത്തില്‍ ആയത് കൊണ്ട് ലൈഫ് പദ്ധതിയില്‍ പെടുത്താന്‍ കഴിഞ്ഞില്ല .

സഹായിക്കാൻ മറ്റ് വഴികൾ ആലോചിക്കവെ ആസ്ട്രേലിയയിലെ മെല്‍ബണില്‍ നിന്നുള്ള പ്രവാസി കൂട്ടായ്മ "ബെർവിക് അയൽക്കൂട്ടം" സഹായവുമായി എത്തുകയായിരുന്നു

രണ്ടു മുറി ഹാള്‍, അടുക്കള, ബാത്റൂം അടങ്ങിയ വീടിന് ഏഴര ലക്ഷം രൂപയാണ് ചെലവായത്. മന്ത്രി തോമസ് ഐസക് ആണ് സൂര്യക്ക് പുതിയ വീടിന്റെ താക്കോൽ കൈമാറിയത്