Nivin Pauly: വിന്റേജ് നിവിൻ ഈസ് ബാക്ക്; പുത്തൻ ചിത്രങ്ങൾ പങ്കുവച്ച് താരം

മലയാളത്തിൽ ഏറ്റവും കൂടുതൽ ആരാധകരുള്ള നടനാണ് നിവിൻ പോളി. താരത്തിന്റെ തുടക്കസമയത്തെ ചിത്രങ്ങൾ ഒക്കെ തന്നെ വലിയ ബോക്സ്ഓഫീസ് വിജയം സ്വന്തമാക്കിയവയാണ്. ഈ അടുത്തായി റിലീസായ താരത്തിന്റെ സിനിമകൾ ഒന്നും തന്നെ തീയേറ്ററുകളിൽ പ്രതീക്ഷിച്ച വിജയം നേടിയിട്ടില്ല. തടിയുടെ പേരിലും ഏറ്റവും അധികം സൈബർ അറ്റാക്ക് നേരിട്ട താരമാണ് നിവിൻ. ഇപ്പോഴിതാ ആ പഴയ നിവിൻ തിരിച്ചെത്താൻ ഒരുങ്ങുന്നു എന്ന സൂചനകളാണ് പുറത്തുവരുന്നത്. കഴിഞ്ഞ ദിവസം താരം തന്റെ സോഷ്യൽ മീഡിയ അക്കൗണ്ടിൽ പങ്കുവച്ച ചിത്രങ്ങൾ ഇപ്പോൾ വൈറലാണ്.പോസ്റ്റ് ചെയ്ത നിമിഷങ്ങൾക്കകം തന്നെ ലക്ഷകണക്കിന് ആരാധകരാണ് താരത്തിന്റെ ചിത്രങ്ങൾ കണ്ടിരിക്കുന്നത്. ഇതിനുമുൻപ് ഒരു ഫിറ്റ്നെസ് സെന്റർ ഉദ്ഘാടനം ചെയ്യാനായി നിവിൻ ഖത്തറിൽ എത്തുന്നു എന്നറിയിച്ചുകൊണ്ടുള്ള ഒരു വീഡിയോ വൈറലായിരുന്നു.