വാക്കുകൾ ദുർവ്യാഖ്യാനം ചെയ്തു; ദുരഭിമാനക്കൊലയെ ന്യായീകരിച്ചിട്ടില്ലെന്ന് നടൻ രഞ്ജിത്ത്

തൻ്റെ വാക്കുകളെ മാധ്യമങ്ങൾ ദുർവ്യാഖ്യാനം ചെയ്യുകയായിരുന്നു എന്നും ദുരഭിമാനക്കൊലകളെ ഒരിക്കലും ന്യായീകരിച്ചിട്ടില്ലെന്നും നടൻ രഞ്ജിത്ത് പറഞ്ഞു. തൻ്റെ പേരിൽ അനാവശ്യ ആരോപണം ഉന്നയിക്കരുതെന്നും ദുരഭിമാനക്കൊലകളെ ഒരാൾക്ക് എങ്ങനെ ന്യായീകരിക്കാൻ കഴിയുമെന്നും അദ്ദേഹം പറഞ്ഞു. ചന്ദ്രോത്സവം, നാട്ടുരാജാവ് രാജമാണിക്യം തുടങ്ങിയ സിനിമകളിലൂടെ മലയാളിക്ക് സുപരിചിതനായ നടൻ രഞ്ജിത്ത് ദുരഭിമാനക്കൊല കുറ്റമല്ലെന്നും മാതാപിതാക്കൾക്ക് പെൺകുട്ടികളോടുള്ള സ്നേഹം കൊണ്ടാണ് അങ്ങനെ സംഭവിക്കുന്നതെന്നും കഴിഞ്ഞ ദിവസം പറഞ്ഞിരുന്നു. ഇതിനു പിന്നാലെയാണ് താരത്തിന്റെ മലക്കംമറിച്ചിൽ.