അമ്മയുടെ മരണവിവരം അറിഞ്ഞിട്ടും സേവനം തുടർന്ന് ആംബുലൻസ് ഡ്രൈവർ; വീട്ടിലേക്ക് മടങ്ങിയത് ജോലി തീർത്ത്

ലക്നൗ:  അമ്മയുടെ മരണവാർത്തയറിഞ്ഞിട്ടും രോഗികളെ ആശുപത്രിയിൽ എത്തിക്കുന്ന സേവനം തുടർന്ന് ആംബുലൻസ് ഡ്രൈവർ. ഉത്തർപ്രദശിലെ മഥുരയിലുള്ള പ്രഭത് യാദവ് എന്ന ആംബുലൻസ് ഡ്രൈവറാണ് അമ്മയുടെ വിയോഗ വാർത്തയിലും തളരാതെ സേവനം തുടർന്നത്. മധുരയിലും പരിസരപ്രദേശങ്ങളിലും കോവിഡ് ബാധിച്ചവരെ ആശുപത്രിയിൽ പ്രവേശിപ്പിക്കുന്ന ഡ്യൂട്ടിക്ക് ഇടയിലാണ് പ്രഭത് യാദവിനെ തേടി അമ്മയുടെ വിയോഗ വാർത്തയെത്തിയത്. എന്നാൽ ഉടൻ വീട്ടിലേക്ക് മടങ്ങുന്നതിനേക്കാൾ തന്റെ സേവനം ഇപ്പോൾ ഏറെ ആവശ്യമാണെന്ന് മനസിലാക്കിയ പ്രഭത് ജോലിയിൽ തുടരാൻ തന്നെ തീരുമാനിക്കുകയായിരുന്നു.