Bigg Boss Malayalam | ബിഗ് ബോസ് ട്രോഫി എറണാകുളത്തേക്ക്; ജിന്റോ വിജയി

Last Updated:

സീസണിൽ അർജുൻ ഫസ്റ്റ് റണ്ണറപ്പ് സ്ഥാനം കരസ്ഥമാക്കിയപ്പോൾ ജാസ്മിൻ, അഭിഷേക്, റിഷി എന്നിവർ യഥാക്രമം മൂന്ന്, നാല്, അഞ്ച് സ്ഥാനങ്ങൾ നേടി

ജിന്റോയ്ക്ക് ട്രോഫി സമ്മാനിച്ച് മോഹൻലാൽ
ജിന്റോയ്ക്ക് ട്രോഫി സമ്മാനിച്ച് മോഹൻലാൽ
മണിക്കൂറുകൾ നീണ്ട ഊഹാപോഹങ്ങൾക്കൊടുവിൽ ബിഗ് ബോസ് കിരീടം എറണാകുളത്തേക്ക്. സെൽബ്രിത് ഫിറ്റ്നസ് ട്രെയ്‌നറായ ജിന്റോ മലയാളം സീസൺ 6 ഫൈനലിൽ ചാമ്പ്യനായി. 50 ലക്ഷം രൂപ സമ്മാനത്തുകയും ട്രോഫിയും ജിന്റോ സ്വന്തമാക്കി. സീസണിൽ അർജുൻ ഫസ്റ്റ് റണ്ണറപ്പ് സ്ഥാനം കരസ്ഥമാക്കിയപ്പോൾ ജാസ്മിൻ, അഭിഷേക്, റിഷി എന്നിവർ യഥാക്രമം മൂന്ന്, നാല്, അഞ്ച് സ്ഥാനങ്ങൾ നേടി. സ്പോൺസർമാർ സമ്മാനത്തുക ജിൻ്റോയ്ക്ക് കൈമാറിയപ്പോൾ മോഹൻലാൽ ബിഗ് ബോസ് ട്രോഫി സമ്മാനിച്ചു.
ഷോയുടെ ഗ്രാൻഡ് ഫിനാലെ ഞായറാഴ്ച വൈകുന്നേരം 7 മണിക്ക് ആരംഭിച്ചു. പതിവുപോലെ, ഫൈനലിനായി മത്സരാർത്ഥികളുടെ എണ്ണം അഞ്ചായി ചുരുക്കിയിരുന്നു. ഒരു ഉജ്ജ്വലമായ ഗ്രാൻഡ് ഫിനാലെയ്ക്ക് പ്ലാറ്റ്ഫോം സാക്ഷ്യം വഹിച്ചു. വിധു പ്രതാപ്, സിത്താര, ശക്തിശ്രീ ഗോപാലൻ തുടങ്ങി നിരവധി പ്രശസ്ത കലാകാരന്മാരും അഭിനേതാക്കളായ ശ്രുതി ലക്ഷ്മി, നീത പിള്ള, ജാഫർ സാദിഖ് എന്നിവരും പരിപാടിയിൽ പങ്കെടുത്തു.
ഈ വർഷം മാർച്ച് 10 ന് 19 മത്സരാർത്ഥികളുമായി ആരംഭിച്ച ബിഗ് ബോസ് മലയാളം സീസൺ 6, ഏറ്റവും കൂടുതൽ പേർ പങ്കെടുക്കുന്ന സീസൺ എന്ന റെക്കോർഡ് സൃഷ്ടിച്ചു. സീസണിൻ്റെ മധ്യത്തിൽ ആറ് കളിക്കാർ കൂടി ചേർന്നു. മത്സരാർത്ഥികളിൽ സെലിബ്രിറ്റികൾ, സോഷ്യൽ മീഡിയ ഇൻഫ്ലുവെൻസർമാർ, തിരഞ്ഞെടുത്ത മൂന്ന് സാധാരണക്കാർ എന്നിവരും ഉൾപ്പെടുന്നു. സാധാരണഗതിയിൽ, ഇതുവരെയുള്ള ഓരോ സീസണിലും ഉടനീളം ആധിപത്യം പുലർത്തുന്ന ഒരു മത്സരാർത്ഥി ഉണ്ടായിരുന്നു. എന്നാൽ ഈ സീസൺ പ്രതീക്ഷകളെ തെറ്റിച്ചു, വ്യക്തമായ മുൻനിര താരമില്ലാതെ ഫൈനലിലെത്തി. ഈ പ്രവചനാതീതത ഈ വർഷത്തെ ഗ്രാൻഡ് ഫിനാലെയുടെ ആവേശം വർധിപ്പിച്ചിരുന്നു.
advertisement
എറണാകുളം ജില്ലയിലെ കാലടി സ്വദേശിയായ സെലിബ്രിറ്റി ഫിറ്റ്‌നസ് ട്രെയ്നർ ജിൻ്റോയ്ക്ക് 39.2 ശതമാനം വോട്ട് ലഭിച്ചതായി മോഹൻലാൽ വെളിപ്പെടുത്തി. അതേസമയം, ഫസ്റ്റ് റണ്ണറപ്പായി മാറിയ അർജുൻ 29.2 ശതമാനം വോട്ട് നേടി.
ബിഗ് ബോസ് മലയാളം ഷോയുടെ അഞ്ചാം പതിപ്പിൽ സംവിധായകൻ അഖിൽ മാരാർ വിജയിയായിരുന്നു. റെനീഷ റഹിമാൻ ഫസ്റ്റ് റണ്ണറപ്പും ജുനൈസ് സെക്കൻഡ് റണ്ണറപ്പും ആയപ്പോൾ ശോഭയും ഷിജുവും നാലും അഞ്ചും സ്ഥാനങ്ങളിൽ എത്തി.
Summary: Celebrity fitness trainer Jinto emerged winner at the recently concluded Bigg Boss Malayalam finale
മലയാളം വാർത്തകൾ/ വാർത്ത/Buzz/
Bigg Boss Malayalam | ബിഗ് ബോസ് ട്രോഫി എറണാകുളത്തേക്ക്; ജിന്റോ വിജയി
Next Article
advertisement
ശ്രീപത്മനാഭസ്വാമി ക്ഷേത്രത്തിലെ ആറാട്ട്;  തിരുവനന്തപുരം വിമാനത്താവളം 5 മണിക്കൂർ അടച്ചിടും; നഗരത്തിൽ  ഉച്ചകഴിഞ്ഞ് അവധി
ശ്രീപത്മനാഭസ്വാമി ക്ഷേത്രത്തിലെ ആറാട്ട്;തിരുവനന്തപുരം വിമാനത്താവളം 5 മണിക്കൂർ അടച്ചിടും;നഗരത്തിൽ ഉച്ചകഴിഞ്ഞ് അവധി
  • തിരുവനന്തപുരം വിമാനത്താവളം അല്‍പശി ആറാട്ട് പ്രമാണിച്ച് ഇന്ന് വൈകിട്ട് 4.45 മുതൽ 9 വരെ അടച്ചിടും.

  • അല്‍പശി ആറാട്ട് പ്രമാണിച്ച് തിരുവനന്തപുരം നഗരത്തിലെ സർക്കാർ ഓഫീസുകൾക്ക് ഉച്ചതിരിഞ്ഞ് അവധി.

  • യാത്രക്കാർ പുതുക്കിയ വിമാന ഷെഡ്യൂളും സമയവും അറിയാൻ എയർലൈനുകളുമായി ബന്ധപ്പെടണമെന്ന് അധികൃതർ.

View All
advertisement