'മാഡംജീ മാപ്പ് തരൂ.. മകന് ഹോം വര്‍ക്ക് തീര്‍ക്കാന്‍ കഴിഞ്ഞില്ല'; വൈറൽ വീഡിയോയുമായി ഒരച്ഛൻ

വേനൽ അവധിക്ക് മാതാപിതാക്കളോടൊപ്പം അവധിക്കാല ഗൃഹപാഠം ചെയ്തത് ഓർമ്മയുണ്ടോ? ക്ഷീണിപ്പിക്കുന്ന പ്രോജക്ടുകൾ, സർഗ്ഗാത്മക എഴുത്ത്, അവസാനിക്കാത്ത അസൈൻമെന്റുകൾ എന്നിവ നമ്മുടെ അവധിക്കാല ആനന്ദത്തെ ഒരു പരിധി വരെ നശിപ്പിച്ചിട്ടുണ്ട്. അത്തരത്തിൽ നമ്മുടെ കുട്ടികാലം ഓർമിപ്പിക്കുന്ന ഒരു വീഡിയോ സമൂഹമാധ്യമങ്ങളിൽ വൈറലാവുകയാണ്. മകന് വേണ്ടി ടീച്ചറോട് മാപ്പ് പറയുന്ന ഒരച്ഛന്റെ വീഡിയോ ആണ് ഇത്. തന്റെ മകന് ഹോം വര്‍ക്ക് പൂർത്തിയാക്കാൻ കഴിഞ്ഞില്ലെന്നും അതിനാൽ അവന്റെ മാർക്ക് കുറയ്ക്കരുതെന്നും അച്ഛൻ വീഡിയോയിൽ പറയുന്നുണ്ട്. സോഷ്യൽ മീഡിയ കണ്ടന്റ് ക്രിയേറ്ററായ റിഷി പണ്ഡിറ്റാണ് തമാശരൂപത്തിലുള്ള ഈ വീഡിയോ ചെയ്ത് ഇന്‍സ്റ്റഗ്രാമില്‍ പോസ്റ്റ് ചെയ്തത്.