'അമ്മ എങ്ങും പോയിട്ടില്ല, എപ്പോഴും എന്റെ ശക്തിയും വഴി കാട്ടിയും'; അമ്മയുടെ വിയോ​ഗത്തിൽ കുറിപ്പുമായി ​ഗോപി സുന്ദർ

'അമ്മ നിങ്ങൾ എനിക്ക് ജീവിതവും സ്നേഹവും എന്റെ സ്വപ്നങ്ങളെ പിന്തുടരാനുള്ള ശക്തിയും നൽകി. ഞാൻ സൃഷ്ടിക്കുന്ന എല്ലാ മ്യൂസിക് നോട്ടുകളിലും നിങ്ങൾ എനിക്ക് പകർന്നുതന്ന സ്നേഹമുണ്ട്. നിങ്ങൾ പോയിട്ടില്ല. എന്റെ ഹൃദയത്തിലും സം​ഗീതത്തിലും എന്റെ ഓരോ ചുവടുകളിലും നിങ്ങൾ ജീവിക്കുന്നു.

നിങ്ങളുടെ ആത്മാവിന്റെ ശാന്തിക്കായി ഞാൻ ദൈവത്തോട് പ്രാർത്ഥിക്കുകയാണ്. പക്ഷേ, നിങ്ങൾ എന്നോടൊപ്പം ഉണ്ടെന്നും എന്നെ നോക്കുന്നുണ്ടെന്നും എനിക്കറിയാം. നിങ്ങൾ എല്ലായ്പ്പോഴും എന്റെ ശക്തിയും വഴി കാട്ടിയുമാകും.'- ​ഗോപി സുന്ദർ ഫേസ്ബുക്കിൽ കുറിച്ചു.

നിരവധി പേർ ​ഗോപി സുന്ദറിന്റെ കുറിപ്പിൽ കമന്റ് രേഖപ്പെടുത്തിയിയിട്ടുണ്ട്. 'അമ്മ' പ്രണാമം എന്ന തരത്തിലെ കമന്റാണ് അമൃത സുരേഷ് രേഖപ്പെടുത്തിയത്.

തൃശൂരിൽ വച്ചായിരുന്നു ​ഗോപി സുന്ദറിന്റെ അമ്മ ലിവി സുരേഷ് ബാബുവിന്റെ അന്ത്യം. 65 വയസ്സായിരുന്നു. സംസ്കാരം വ്യാഴാഴ്ച വൈകീട്ട് മൂന്ന് മണിക്ക് വടൂക്കര ശ്മശാനത്തിൽ. ഭർത്താവ് സുരേഷ് ബാബു, മക്കള്‍: ഗോപി സുന്ദര്‍ (സംഗീത സംവിധായകന്‍), ശ്രീ(മുംബൈ). മരുമക്കള്‍: ശ്രീകുമാര്‍ പിള്ള (എയര്‍ഇന്ത്യ, മുംബൈ). സംസ്‌കാരം വ്യാഴാഴ്ച മൂന്നിന് വടൂക്കര ശ്മശാനത്തില്‍.