‘തെരഞ്ഞെടുപ്പ് വരുമ്പോൾ ചിലർ ഒരു തീവണ്ടി കൊടുക്കുന്നു, അതിനു കഴിയാത്തവർ ഒരു കിറ്റ് കൊടുക്കുന്നു'; ജോയ് മാത്യു

കേരളത്തിലെ വന്ദേഭാരത് എക്സ്പ്രസാണ് ഇപ്പോൾ താരം. എവിടെ നോക്കിയാലും വന്ദേഭാരതിനെ പറ്റി പറയാൻ മാത്രമേ ആളുകൾക്ക് നേരമുളളു. കേരളത്തിലെ ട്രെയൽ റണുമായി ബന്ധപ്പെട്ട് അനുകൂലിച്ചും പ്രതികൂലിച്ചും അഭിപ്രായങ്ങൾ സമൂഹ മാധ്യമങ്ങളിൽ കൊഴുക്കുകയാണ്. ഇപ്പോഴിതാ ഇത്തരത്തിൽ ഒരു പ്രതികരണവുമായി നടൻ ജോയ് മാത്യു രംഗത്തെത്തിയിരിക്കുന്നു‌. ‘തെരഞ്ഞെടുപ്പ് വരുമ്പോൾ ചിലർ ഒരു തീവണ്ടി കൊടുക്കുന്നു, അതിനു കഴിയാത്തവർ ഒരു കിറ്റ് കൊടുക്കുന്നു’ എന്ന പ്രതികരണവുമായാണ് ജോയ് മാത്യു വിഷയത്തിൽ നിലപാട് തുറന്നടിച്ചത്. താരത്തിന്റെ ഫേസ്ബുക്കിലൂടെയാണ് ഇക്കാര്യം വ്യക്തമാക്കിയത്.