'അപ്പോ ഇനി എല്ലാർക്കും കിയാലിൽ കീയാലോ'

'കണ്ണൂർ ഭാഷയിൽ തന്നെയാ എയർപോർട്ടിന്‍റെ പേരും 'കീയൽ'. കീയൽ എന്നു പറഞ്ഞാൽ ഇറങ്ങൽ എന്നാണ് അർത്ഥം.' ലോകത്ത് എവിടെ നിന്നാണെങ്കിലും കണ്ണൂരിൽ ഇറങ്ങാൻ 'കീയൽ' ഉണ്ടെന്ന് സാരം.

കീയൽ ഇനി എപ്പോഴാണ് ബേംകി ആകുക എന്നാണ് കണ്ണൂരുകാർ കാത്തിരിക്കുന്നത്. ബേംകി എന്നു പറഞ്ഞാൽ വേഗം കീയു എന്നാണ് അർത്ഥം. ഒന്നുകൂടി വ്യക്തമാക്കി പറഞ്ഞാൽ വേഗം ഇറങ്ങൂവെന്ന്. ഏതായാലും 'കീയലി'ൽ എത്തുന്നവർ 'ബേംകി' ആകുന്നതായിരിക്കും നല്ലത്.

കൊച്ചി ഇന്‍റർനാഷണൽ എയർപോർട്ടിന്‍റെ പേരും ചുരുക്കിയെഴുതുമ്പോൾ കിയാൽ എന്നുതന്നെയാണ് വായിക്കുക. എന്നാൽ, കിയാൽ എന്ന വാക്കിന് കൊച്ചിയിൽ ഇറങ്ങുക എന്ന് അർത്ഥമില്ലാത്തതിനാൽ നെടുമ്പാശേരി എയർപോർട് എന്നേ പറയാറുള്ളു. കൊച്ചി ഭാഷയിൽ പറഞ്ഞാൽ, 'അദോണ്ട് ഞങ്ങ നെടുമ്പാശ്ശേരി എയർപോർട്ട് എന്നേ പറയാറുളളൂ'