ഗൂഗിൾ സിഇഒ ജനിച്ചു വളർന്ന വീട്; സുന്ദർ പിച്ചൈയുടെ ചെന്നൈയിലെ വീട് വിലയ്ക്കു വാങ്ങി തമിഴ്നടൻ

വീടിന്റെ കൈമാറ്റ പ്രക്രിയയോ രജിസ്ട്രേഷനോ വേഗത്തിലാക്കാൻ മകന്റെ പേരോ വിവരങ്ങളോ ഉപയോഗിക്കരുതെന്ന് പിതാവിന് നിർബന്ധമായിരുന്നുവെന്നും മണികണ്ഠൻ പറയുന്നു. അതിനാൽ തന്നെ നടപടികൾ പൂർത്തിയാക്കാൻ അദ്ദേഹം മണിക്കൂറുകളോളം രജിസ്ട്രേഷൻ ഓഫീസിൽ കാത്തിരുന്നു. രേഖകൾ കൈമാറുന്നതിന് മുമ്പ് ആവശ്യമായ എല്ലാ നികുതികളും അടച്ചു. മാതാപിതാക്കളുടെ വിനയവും എളിമയുള്ള സമീപനവും തന്നെ വിസ്മയിപ്പിച്ചുവെന്നും മണികണ്ഠൻ.

രാജ്യത്തിന്റെ അഭിമാനമായ സുന്ദർ പിച്ചൈ താമസിച്ചിരുന്ന വീട് വാങ്ങുന്നത് തന്റെ ജീവിതത്തിലെ അഭിമാനകരമായ നേട്ടമാണെന്നാണ് മണികണ്ഠൻ പറയുന്നത്. പിച്ചൈയുടെ പിതാവാണ് ഈ വീട് നിർമിച്ചത്. ഉടമസ്ഥ കൈമാറ്റ വേളയിൽ അദ്ദേഹത്തിന്റെ കണ്ണുകൾ നിറയുന്നത് താൻ കണ്ടുവെന്നും മണികണ്ഠൻ കൂട്ടിച്ചേർത്തു.