മുരുകാ... ഗുരുവായൂരിന്റെ മണ്ണിൽ ഭക്തിയുടെ അമൃതവർഷം ചൊരിഞ്ഞ് രാജ്യത്തെ ഏറ്റവും പ്രായം കുറഞ്ഞ എംഎൽഎ മൈഥിലി താക്കൂർ

സഹോദരങ്ങളായ അയാച്ചി താക്കൂറും റിഷവ് താക്കൂറും പക്കവാദ്യമൊരുക്കിയ ഭജനിൽ "അച്യുതം കേശവം കൃഷ്ണ ദാമോദരം" എന്ന് തുടങ്ങുന്ന പ്രശസ്തമായ കീർത്തനമാണ് മൈഥിലി ആദ്യം ആലപിച്ചത്. ഇതിനുപുറമെ, തമിഴ് ഭക്തിഗാനമായ "അഴകാന പഴനിമലൈ ആണ്ടവാ..." മികച്ച സ്ഫുടതയോടെ പാടിയത് അവിടെയുണ്ടായിരുന്ന ഭക്തരെ അത്ഭുതപ്പെടുത്തി. കേരള സാരി ധരിച്ചെത്തിയ മൈഥിലിക്ക് പിന്നാലെ ആയിരക്കണക്കിന് ഭക്തർ നാമജപങ്ങൾ ഏറ്റുപാടിയത് കൗതുകകരമായ കാഴ്ചയായിരുന്നു.

ശിവരാത്രി ആഘോഷങ്ങളുടെ ഭാഗമായി ഗുരുവായൂർ സന്ദർശിച്ച മൈഥിലി പാലക്കാടും സന്ദർശനം നടത്തി. കേരളത്തിന്റെ തനതായ സംസ്കാരത്തോടും വസ്ത്രധാരണത്തോടും തനിക്കുള്ള ഇഷ്ടം സോഷ്യൽ മീഡിയയിലൂടെ അവർ പങ്കുവെച്ചിട്ടുണ്ട്.

Maithili Thakur, India's youngest MLA and acclaimed singer, visits Guruvayur. She was honored by 'Paithrikam Guruvayur' at the Sree Krishna Temple. She enthralled devotees with a soulful bhajan session, including popular Krishna and Muruga hymns. A 25-year-old BJP MLA from Alinagar, Bihar, she rose to fame through music reality shows and social media.