ജര്‍മന്‍ ഭാഷയില്‍ ബിരുദാനന്തര ബിരുദമുള്ളയാള്‍ക്ക് ജര്‍മനിയില്‍ ജോലി നിഷേധിച്ചു; വൈറല്‍ കുറിപ്പ്‌

''എനിക്ക് ജര്‍മന്‍ ഭാഷയിലും സാഹിത്യത്തിലും ബിരുദാനന്തരബിരുദമുണ്ട്. ഈ ഭാഷ ഞാന്‍ നന്നായി കൈകാര്യം ചെയ്യുമെന്ന് എന്റെ ബയോഡാറ്റയില്‍ ഞാന്‍ വളരെ വ്യക്തമാക്കിയിട്ടുണ്ട്,'' അദ്ദേഹം പറഞ്ഞു.

ജര്‍മനിയിലെ ഒരു പ്രമുഖ കമ്പനിയിലെ പോസ്റ്റിലേക്കാണ് അപേക്ഷ നല്‍കിയതെന്ന് ഉപയോക്താവ് വ്യക്തമാക്കി. ഇംഗ്ലീഷില്‍ സാങ്കേതികപരമായ റിപ്പോര്‍ട്ടുകള്‍ തയ്യാറാക്കുകയും ജര്‍മന്‍ ഭാഷയില്‍ മീറ്റിംഗുകളില്‍ പങ്കെടുക്കുകയും ചെയ്യുകയായിരുന്നു ജോലി. ഒരു ഓണ്‍ലൈന്‍ ഐക്യു ടെസ്റ്റ് നടത്തിയ ശേഷം എച്ച്ആര്‍ ടീമുമായുള്ള അഭിമുഖത്തിനായി ഇയാളെ കമ്പനി വിളിച്ചു. ''അഭിമുഖം തുടങ്ങി ഒരു മിനിറ്റിനുള്ളില്‍ തന്റെ ജര്‍മന്‍ ഭാഷയിലെ പ്രാവീണ്യം പോരായെന്ന് എച്ച്ആര്‍ പറഞ്ഞു. തുടര്‍ന്ന് എനിക്ക് അവസരം നിഷേധിക്കപ്പെട്ടു,'' ഉപയോക്താവ് പറഞ്ഞു.

കാരണം തിരക്കിയപ്പോള്‍ കമ്പനിയുടെ സ്വന്തം നാട്ടിലുള്ള ബ്രാഞ്ചിലേക്ക് ജോലിക്ക് അപേക്ഷിക്കാനോ ഇംഗ്ലീഷ് സംസാരിക്കുന്ന ടീമുകളിലെ ജോലികള്‍ക്ക് ശ്രമിക്കുകയാണ് നല്ലത് എന്ന് എച്ച്ആര്‍ നിര്‍ദേശിച്ചു.

''നല്ലത്'' എന്ന് തോന്നുന്നുവെന്നത് എന്താണ് എന്ന് വ്യക്തമാക്കുന്നത് വരെ എച്ച്ആറിനുമേല്‍ താന്‍ സമ്മര്‍ദം ചെലുത്തിയതായും അത് മാതൃഭാഷ എന്ന് അവര്‍ പറയുന്നത് വരെ നിര്‍ബന്ധിച്ചതായും ഉപയോക്താവ് കൂട്ടിച്ചേര്‍ത്തു. അതില്‍ കുറഞ്ഞതൊന്നും പോരെന്നും എല്ലാ കാര്യവും ജര്‍മന്‍ ഭാഷയിലാണ് നടന്നതെന്നും ഉപയോക്താവ് കൂട്ടിച്ചേര്‍ത്തു.

യുവാവിന്റെ പോസ്റ്റിന് നിരവധി പ്രതികരണങ്ങളാണ് ലഭിച്ചത്. ''ദേശീയത അടിസ്ഥാനമാക്കിയുള്ള വിവേചനം പോലെയാണ് ഇത് അനുഭവപ്പെടുന്നത്. എന്താണ് ചെയ്യുന്നതെന്ന് എച്ച്ആറിന് അറിയാമായിരുന്നു. എന്നാല്‍, നിങ്ങള്‍ അവരെ പിടികൂടി,'' ഒരാള്‍ പറഞ്ഞു.

''നിങ്ങളുടെ ജര്‍മന്‍ ഭാഷയിലെ പ്രാവീണ്യം ഒരു എച്ച്ആര്‍ ഉദ്യോഗസ്ഥയുമായി തര്‍ക്കിക്കാന്‍ മാത്രം പര്യാപ്തമാണെങ്കില്‍ മറ്റെന്തിനാക്കാളും അത് മതി എന്ന്'' മറ്റൊരാള്‍ പറഞ്ഞു. അതേസമയം, കമ്പനിയുടെ നിലപാടിനെ മറ്റൊരാള്‍ ചോദ്യം ചെയ്തു. ''ഇത് വിഡ്ഢിത്തമാണ്. ഓഫീസില്‍ തടസ്സങ്ങളില്ലാതെ നിങ്ങള്‍ക്ക് ഒഴുക്കോടെ സംസാരിക്കാന്‍ അറിയാമെങ്കില്‍ നിങ്ങള്‍ ജര്‍മന്‍കാരനല്ല എന്നത് ഒരു പ്രശ്‌നമാക്കരുത്. നിങ്ങള്‍ക്ക് ജര്‍മാന്‍ ഭാഷയില്‍ ബിരുദാനന്തരബിരുദം ഉള്ളതിനാലും അഭിമുഖം പൂര്‍ണമായും ജര്‍മന്‍ ഭാഷയില്‍ നടത്തിയതിനാലും നിങ്ങള്‍ ഇതിനോടകം പ്രാവീണ്യമുള്ളയാളാണ് തെളിയിച്ചിട്ടുണ്ട്,'' അയാള്‍ വ്യക്തമാക്കി.