Diwali 2020 | പൂത്തിരി കത്തിച്ച് ദീപാവലി ആഘോഷിച്ച് മുഹമ്മദ് റിയാസും ഭാര്യ വീണയും

'ഹാപ്പി ദീപാവലി' എന്ന കുറിപ്പോടെ വീണയ്ക്കൊപ്പം പൂത്തിരി കത്തിക്കുന്നതിന്റെ വീഡിയോ ആണ് മുഹമ്മദ് റിയാസ് പങ്കുവച്ചത്. മുണ്ടും ഷർട്ടും അണിഞ്ഞാണ് വീഡിയോയിൽ മുഹമ്മദ് റിയാസ് പ്രത്യക്ഷപ്പെടുന്നത്. അതേസമയം, ചുരിദാർ ആണ് വീണയുടെ വേഷം.

നിരവധി പേരാണ് ഇരുവർക്കും ദീപാവലി ആശംസകൾ നേർന്ന് കമന്റ് ബോക്സിൽ എത്തിയത്. ഇക്കഴിഞ്ഞ ജൂൺ 15ന് ആയിരുന്നു ഡി വൈ എഫ് ഐ ദേശീയ പ്രസിഡന്റ് ആയിരുന്ന പി എ മുഹമ്മദ് റിയാസ് മുഖ്യമന്ത്രി പിണറായി വിജയന്റെ മകൾ വീണയെ വിവാഹം കഴിച്ചത്.

ബന്ധുക്കളും സുഹൃത്തുക്കളും ഉൾപ്പെടെ കുറച്ചുപേർ മാത്രമായിരുന്നു പങ്കെടുത്തത്.