പാർക്ക് ചെയ്തിരുന്ന കാർ ഞൊടിയിടയിൽ ഓടയിലേക്ക് താഴ്ന്നു പോയി: വൈറലായി വീഡിയോ

കിണർ മൂടിയശേഷം അതിനു മുകളിൽ കോൺക്രീറ്റ് സ്ലാബുകൾ സ്ഥാപിച്ചാണ് പാർക്കിങ് ഏരിയ സജ്ജീകരിച്ചിരുന്നത്. കനത്ത മഴയിൽ കോൺക്രീറ്റ് സ്ലാബ് തകർന്നതാണ് കാർ താഴ്ന്നു പോയത്. അതേസമയം സമീപത്ത് പാർക്ക് ചെയ്തിരുന്ന വാഹനങ്ങൾക്ക് കേടുപാടുകളൊന്നുമില്ല.

Maharashtra: A viral video shows a car sinking in a sinkhole in Mumbai's Ghatkopar

Traffic Police says,"There was a well at the place. Some people covered it with concrete slab&started parking cars over it. Incident occurred due to land subsidence following rain. No one injured" pic.twitter.com/N8Tys2BrUY

— ANI (@ANI) June 13, 2021

കിരൺ ദോഷി എന്നയാളുടെ ഉടമസ്ഥതയിലുള്ള കാറാണ് താഴ്ന്നു പോയതെന്ന് പൊലീസ് അറിയിച്ചു. ക്രെയിൻ ഉപയോഗിച്ച് കാർ പുറത്തെടുക്കാനുള്ള നടപടികൾ പുരോഗമിക്കുകയാണെന്ന് മുംബൈ കോർപറേഷൻ വ്യക്തമാക്കി. കനത്ത മഴയെ തുടർന്ന് മുംബൈയിലെ വിവിധ പ്രദേശങ്ങളിൽ ജാഗ്രതാ നിർദേശം നൽകിയിട്ടുണ്ട്.

നാട്ടിലിറങ്ങിയ പുള്ളിപ്പുലി വരാന്തയിൽ ഉറങ്ങിക്കിടന്ന നായയെ കടിച്ചെടുത്തു; വീഡിയോ വൈറൽ

മുംബൈ: നാസിക്കിലെ ഭുസേ ഗ്രാമവാസികളുടെ ഉറക്കെ കെടുത്തി നാട്ടിലിറങ്ങിയ പുള്ളിപ്പുലി. രാത്രിയിൽ, ഒരു വീടിന്റെ വരാന്തയിൽ കിടന്നുറങ്ങുകയായിരുന്ന വളർത്തുനായയെ കടിച്ചെടുക്കുന്ന വീ‍ഡിയോ സമൂഹമാധ്യമങ്ങളിലും വൈറലായിട്ടുണ്ട്. വീട്ടിലെ സിസിടിവി ക്യാമറയിൽ പതിഞ്ഞ ദൃശ്യമാണ് സമൂഹമാധ്യമങ്ങളിൽ പ്രചരിക്കുന്നത്.

#WATCH | Maharashtra: A leopard hunts a pet dog sleeping outside a house in Bhuse village of Nashik.

(Source: CCTV footage) pic.twitter.com/sHZ1O6VUEE

— ANI (@ANI) June 11, 2021

വരാന്തയിലെ ഇരുമ്പഴികള്‍ക്കുള്ളിലൂടെ കടന്നാണ് പുള്ളിപ്പുലി നായയ്ക്കു സമീപമെത്തിയത്. പുലി തൊട്ടടുത്ത് എത്തുന്നതുവരെയും നായ അറിഞ്ഞിരുന്നില്ല. പുലി ആക്രമിച്ചതോടെ നായ കുതറിമാറാൻ ശ്രമിച്ചെങ്കിലും സെക്കൻഡുകൾക്കുള്ളിൽ അതിനെ കീഴ്പ്പെടുത്തുകയായിരുന്നു. നായയുടെ കഴുത്തിൽ കടിച്ച പുലി അതിനെയും കൊണ്ട് നടന്നുനീങ്ങുന്ന ദൃശ്യങ്ങളും സിസിടിവിയിൽ പതിഞ്ഞിട്ടുണ്ട്.

മുൻപ് പല തവണ നാസിക്കിന്റെ സമീപപ്രദേശങ്ങളിൽ പുള്ളിപ്പുലികളെ കണ്ടെത്തിയിട്ടുണ്ട്. എന്നാൽ വീട്ടുവളപ്പിനുള്ളിലേക്ക് കടന്നു കയറി അവ ആക്രമിക്കുന്നത് വിരളമാണ്. ദൃശ്യങ്ങൾ പുറത്തുവന്നതോടെ പ്രദേശവാസികൾ പരിഭ്രാന്തിയിലാണ്.