'ഇപ്പോൾ ഞാൻ ഒരു രാഷ്ട്രീയത്തിനും അടിമയല്ല, തികച്ചും സ്വതന്ത്രൻ, എല്ലാത്തിൽ നിന്നും മോചിതനായി': രാമസിംഹൻ

2019ൽ നടന്ന ലോക്സഭാ തെരഞ്ഞെടുപ്പിൽ ബി.ജെ.പി പ്രതിനിധി കുമ്മനം രാജശേഖരൻ തിരുവനന്തപുരത്തു നിന്നും മത്സരിച്ച് വിജയിച്ചില്ലെങ്കിൽ തലമുണ്ഡനം ചെയ്യും എന്ന പ്രഖ്യാപനം നിറവേറ്റിയ ആളാണ് സംവിധായകൻ രാമസിംഹൻ (അലി അക്ബർ) (Director Ramasimhan – Ali Akbar). നാല് വർഷങ്ങൾക്കിപ്പുറം തന്റെ രാഷ്ട്രീയ നിലപാടുകൾ തിരുത്തിക്കുറിക്കാൻ അദ്ദേഹം ആ പഴയ ചിത്രവുമായി വീണ്ടുമെത്തുന്നു. നിലവിൽ താൻ ഒരു രാഷ്ട്രീയത്തിനും അടിമയല്ല, സ്വതന്ത്രൻ എന്നാണ് അദ്ദേഹത്തിന്റെ പ്രഖ്യാപനം.