'സംഘപരിവാർ ഒഴികെ വേറെ എവിടെയും ഹിന്ദുക്കളില്ല എന്ന രീതിയിലാണ് പലരും കുറിച്ചത്'; തന്റെ പോസ്റ്റിനു വന്ന പ്രതികരണത്തെക്കുറിച്ച് രാമസിംഹൻ

ചലച്ചിത്ര സംവിധായകൻ രാമസിംഹന്റെ ബി.ജെ.പിയിൽ നിന്നുമുള്ള പടിയിറക്കം എങ്ങും വാർത്തയായി മാറിയിരുന്നു. സകല ചുമതലകളിൽ നിന്നും ഒഴിഞ്ഞ രാമസിംഹൻ പാർട്ടി അംഗത്വവും രാജിവെക്കുകയായിരുന്നു. ഇക്കാര്യം വാർത്തകളിലും ഇടം നേടി. ഇതിനു ശേഷം കഴിഞ്ഞ ദിവസം അദ്ദേഹം ഒരു വരി ഫേസ്ബുക്കിൽ കുറിച്ചിരുന്നു. “എനിക്കിപ്പോ സിപിഎം ഹിന്ദുവും, കോൺഗ്രസ്സ് ഹിന്ദുവും, ബിജെപി ഹിന്ദുവും ഒരുപോലെയാണ്, അതല്ലേ ശരി, ഹിന്ദു പക്ഷത്ത് നിൽക്കുമ്പോൾ?” എന്നായിരുന്നു വാക്കുകൾ. ഇപ്പോൾ താൻ ഒരു പാർട്ടിയുടെയും ഭാഗമല്ല എന്നും രാമസിംഹൻ വ്യക്തമാക്കിയിരുന്നു.