ഒന്നുകിൽ ചിരിക്കും അല്ലെങ്കില്‍ കണ്ണടക്കും; 12 ദിവസം പ്രായമുള്ള കുഞ്ഞിന്‍റെ പാസ്പോര്‍ട്ട് ചിത്രമെടുക്കാന്‍ പാടുപെട്ട് ഒരച്ഛൻ

കുഞ്ഞുങ്ങളുടെ ഫോട്ടോ എടുക്കുക എന്നത് പ്രയാസമുള്ള ഒരു കാര്യമാണ്. അപ്പോൾ ജനിച്ച് 12 ദിവസം മാത്രം പ്രായമുള്ള കുഞ്ഞിന്റെ ഫോട്ടോ എടുക്കുക എന്നത് ശ്രമകരമാണ്. അതും പാസ്പോർട്ട് ഫോട്ടോ ആണെങ്കിലോ, പാടുപെടും. ഇത്തരത്തിൽ ഒരു വീഡിയോയാണ് ഇപ്പോൾ സമൂഹ്യമാധ്യമങ്ങളിൽ നിറഞ്ഞു നിൽക്കുന്നത്. 12 ദിവസം പ്രായമുള്ള തന്‍റെ മകളുടെ ഒരു പാസ്‍പോര്‍ട്ട് ഫോട്ടോ എടുക്കുന്നതിനായി ശ്രമിക്കുന്ന വീഡിയോയാണ് യൂറ്റ്യൂബര്‍ നിഖില്‍ ശര്‍മ്മ പങ്കുവെച്ചിരിക്കുന്നത്. അദ്ദേഹത്തിന്‍റെ മകള്‍ സ്കൈലാര്‍ ശര്‍മ്മയ്ക്ക് 12 ദിവസമാണ് പ്രായം. എന്നാല്‍, പാസ്പോര്‍ട്ടില്‍ കൊടുക്കാന്‍ ഫോട്ടോ വേണം. അതിനായിട്ടായിരുന്നു നിഖില്‍  മകളുടെ ചിത്രമെടുക്കാന്‍ ശ്രമിച്ചത്.