Bhagya Suresh | 'ഗന്ധർവഗാനത്തിന്' ചുവടുവച്ച് സുരേഷ് ഗോപിയുടെ മകൾ ഭാഗ്യയും മരുമകൻ ശ്രേയസും

കേന്ദ്ര സഹമന്ത്രിയും നടനുമായ സുരേഷ് ഗോപിയുടെ മൂത്തമകൾ ഭാഗ്യ സുരേഷിന്റെ (Bhagya Suresh) വിവാഹം കഴിഞ്ഞിട്ട് ഒരു വർഷം പിന്നിടുന്നു. സുഹൃത്ത് കൂടിയായിരുന്ന ശ്രേയസ് മോഹനാണ് സുരേഷ് ഗോപിയുടെ മരുമകൻ. ഇദ്ദേഹത്തിന്റെ നാല് മക്കളിൽ ഭാഗ്യയുടെ വിവാഹമാണ് ഇതുവരെ കഴിഞ്ഞത്. പോയവർഷം ഗുരുവായൂർ ശ്രീകൃഷ്ണ ക്ഷേത്രത്തിൽ വച്ച് നടന്ന വിവാഹത്തിൽ, പ്രധാനമന്ത്രി നരേന്ദ്ര മോദി മുഖ്യാതിഥിയും കാരണവരുമായിരുന്നു. മാസങ്ങൾക്കിപ്പുറം ഇതേ മണ്ഡലത്തിൽ നിന്നും വിജയിച്ച് സുരേഷ് ഗോപി കേന്ദ്രമന്ത്രിസ്ഥാനം ഊട്ടിയുറപ്പിച്ചു.