ഈ പ്രാവിന് എന്താണ് ഇത്രയും പ്രത്യേകത; ലേലത്തിൽ വാങ്ങിയ പ്രാവിന്‍റെ വില 12 കോടി രൂപ

ദക്ഷിണ ആഫ്രിക്കൻ സ്വദേശിയായ ഒരാൾ ഓൺലൈനിലൂടെ വാങ്ങിയ പ്രാവിന്റെ വില 1.3 ദ​ശ​ല​ക്ഷം യൂ​റോ​യാ​യി​രു​ന്നു. അതായത് ഏകദേശം പതിനൊന്നര കോടി ഇന്ത്യൻ രൂപ. ഒ​രു​പാ​ട് മ​ത്സ​ര​ങ്ങ​ളി​ൽ വി​ജ​യി​ച്ചി​ട്ടു​ള്ള റേ​സിം​ഗ് ലോ​ക​ത്തെ താ​ര​മാ​യ പ്രാവിനാണ് ഇദ്ദേഹം ഈ വില നൽകി സ്വന്തമാക്കിയിരിക്കുന്നത്.

Also Read മുറിച്ചുകൊണ്ടിരുന്ന മരം വീണു; തിരുവനന്തപുരത്ത് പ്രചാരണത്തിനിടെ സ്ഥാനാർഥി മരിച്ചു

ബെ​ൽ​ജി​യ​ത്തി​ലെ പ്ര​ശ​സ്‍​ത പ്രാ​വ് വ​ള​ർ​ത്ത് കേന്ദ്രമാ​യ ഹോ​ക് വാ​ൻ ഡി ​വൗ​വ​ർ അവരു​ടെ ശേഖരത്തി​ലു​ള്ള റേ​സിം​ഗ് പ്രാ​വു​ക​ളു​ടെ മു​ഴു​വ​ൻ വി​ൽ​ക്കു​യാ​ണ്. അ​വ​രു​ടെ കൈ​യി​ൽ ദേ​ശീ​യ​ത​ല​ത്തി​ൽ കി​രീ​ട​മ​ണി​ഞ്ഞ നി​ര​വ​ധി പ്രാ​വു​ക​ളു​ണ്ട്. ഇ​തി​ൽ ഏ​റ്റ​വും മി​ടു​ക്കി ര​ണ്ട് വ​യ​സു​ള്ള റേ​സിം​ഗ് പ്രാ​വാ​യ ന്യൂ ​കി​മ്മാ​ണ്.

ഈ മിടുക്കിക്ക് വേണ്ടിയാണ് ദ​ക്ഷി​ണാ​ഫ്രി​ക്ക​ൻ സ്വ​ദേ​ശി​ ഓ​ൺ​ലൈ​നി​ൽ 11 കോ​ടി 61 ല​ക്ഷം രൂപയ്ക്ക് ലേ​ലം വി​ളി​ച്ചി​രി​ക്കു​ന്നത്. ക​ഴി​ഞ്ഞ തി​ങ്ക​ളാ​ഴ്ച പി​പ, പി​ജി​യ​ൻ പാ​ര​ഡൈ​സ് വെ​ബ്‌​സൈ​റ്റി​ലാ​ണ് ലേ​ലം ആ​രം​ഭി​ച്ച​ത്. 180 പൗ​ണ്ടാ​യി​രു​ന്നു (ഏ​ക​ദേ​ശം 18,000 രൂ​പ) ന്യൂ ​കി​മ്മി​ന്‍റെ അ​ടി​സ്ഥാ​ന വി​ല. ഒ​ന്ന​ര മ​ണി​ക്കൂ​റി​നു​ള്ളി​ൽ ന്യൂ ​കി​മ്മി​ന് 300 ബി​ഡ്ഡു​ക​ൾ ല​ഭി​ച്ചു. അ​തി​ൽ ഏ​റ്റ​വും ഉ​യ​ർ​ന്ന​ത് 1.3 ദ​ശ​ല​ക്ഷം യൂ​റോ​യാ​യി​രു​ന്നു.