ശമ്പള വര്‍ധനവുണ്ടാകില്ലെന്ന് പറയാന്‍ എത്തിയ സിഇഒയുടെ 30000 രൂപയുടെ ടി ഷർട്ട്

സാമ്പത്തികപ്രതിസന്ധി മുന്നില്‍ക്കണ്ട് പല പ്രമുഖ കമ്പനികളും തങ്ങളുടെ ജീവനക്കാരെ പിരിച്ചുവിടുന്നത് ഇപ്പോള്‍ സ്ഥിരം കാഴ്ചയാണ്. പിരിച്ചുവിടല്‍ മാത്രമല്ല, പല കമ്പനികളും ജീവനക്കാരുടെ ശമ്പളം വെട്ടികുറയ്ക്കുന്നതും ഇന്ന് പതിവ് കാഴ്ചയാണ്. അത്തരത്തില്‍ ശമ്പള വര്‍ധനവ് ഇത്തവണ ഉണ്ടാകില്ലെന്ന് വ്യക്തമാക്കിയിരിക്കുകയാണ് എഡ്‌ടെക്ക് കമ്പനിയായ അണ്‍അക്കാദമി. എന്നാല്‍ ഇത് പറയാന്‍ എത്തിയ കമ്പനി സിഇഒ ഗൗരവ് മുഞ്ജലിന്റെ ടീ-ഷര്‍ട്ടിലേക്കാണ് എല്ലാവരുടെയും കണ്ണുടക്കിയത്.