പിറന്നാൾ ദിനത്തിൽ തനിച്ചായി ഒരാൾ; കേക്ക് മുറിക്കാൻ കൂട്ടായി എത്തി അപരിചിതർ

അങ്ങനെ ഒറ്റയ്ക്കായി പോകുന്നവർ ഒരിക്കലും കേക്ക് മുറിക്കുന്നത് സന്തോഷത്തോടെ ആയിരിക്കില്ല. അവർ തങ്ങളുടെ പിറന്നാൾ ദിനത്തിൽ കടന്നു പോകുന്നത് വലിയ മനോവേദനയിലൂടെ ആയിരിക്കും. ആ സമയത്ത് ആരെങ്കിലും ഒരു പിറന്നാൾ ആശംസ നേരാൻ അരികിൽ ഉണ്ടായിരുന്നെങ്കിലെന്ന് നമ്മൾ വല്ലാതെ ആശിച്ചു പോകും.

ഇത്തരത്തിൽ ജന്മദിനത്തിൽ തനിച്ചായി പോയ ഒരാളുടെ ഏകാന്തതയും അവരുടെ പിറന്നാൾ ആഘോഷത്തിൽ അപ്രതീക്ഷിതമായി പങ്കാളികളാകുന്ന ചിലരുടെയും വീഡിയോയാണ് സോഷ്യൽ മീഡിയയിൽ ഇപ്പോൾ വൈറലായിരിക്കുന്നത്.

സെക്കൻഡുകൾ മാത്രമാണ് ഈ വീഡിയോയുടെ ദൈർഘ്യം ഭക്ഷണശാലയിൽ കേക്കുമായി ഒറ്റയ്ക്കിരിക്കുന്ന സ്ത്രീയെയാണ് സെക്കൻഡുകൾ മാത്രമുള്ള ഈ വീഡിയോയുടെ ആദ്യഭാഗത്ത് കാണാൻ കഴിയുക. മനോഹരമായ കേക്കിൽ മെഴുകുതിരി തെളിയിച്ചു വച്ചിട്ടുണ്ട്. കേക്ക് മുറിക്കുന്നതിനു മുമ്പ് സ്വയം കൈയടിക്കുന്നുണ്ട്. തലയാട്ടുന്നതിൽ നിന്ന് മനസിൽ അവർ പിറന്നാൾ ആശംസകൾ നേരുകയാണ് എന്നാശംസിക്കാം. എന്നാൽ, തനിച്ചായി പോയതിന്റെ മുഴുവൻ വേദനയും അവരിൽ അപ്പോൾ കാണാവുന്നതാണ്. ഒരു നിമിഷം പ്രാർത്ഥിച്ചതിനു ശേഷം ആയിരുന്നു കൈ കൊട്ടിയത്.

ഏതായാലും തനിച്ച് കേക്ക് മുറിക്കാനുള്ള യുവതിയുടെ ശ്രമം. എന്നാൽ, ഭക്ഷണശാലയിൽ ഉണ്ടായിരുന്ന ചിലരുടെ ശ്രദ്ധയിൽപ്പെട്ടു ഇക്കാര്യങ്ങൾ. അവർ വെറുതെ നോക്കി നിന്നില്ല. കൈ അടിച്ച് ആശംസകൾ നേർന്ന് അവർ യുവതിയുടെ അരികിലേക്ക് എത്തി. അപരിചിതരായവർ ആശംസകളുമായി എത്തിയപ്പോൾ സന്തോഷം കൊണ്ട് യുവതിയുടെ കണ്ണുകൾ നിറയുകയും ചെയ്തു. ഗുഡ് ന്യൂസ് മൂവ്മെന്റ് എന്ന ട്വിറ്റർ അക്കൗണ്ടാണ് വീഡിയോ പങ്കു വെച്ചിരിക്കുന്നത്. അതേസമയം, വീഡിയോ എവിടെ നിന്നാണെന്നോ വീഡിയോയിലെ സ്ത്രീ ആരാണെന്നോ വ്യക്തമല്ല.