മരുമകൾ ഹേസൽ കീച്ചിനെ കുറിച്ച് യുവരാജ് സിംഗിന്റെ പിതാവിന്റെ ഞെട്ടിക്കുന്ന വെളിപ്പെടുത്തൽ

“യുവരാജിനെ ഇരുപതുകളിൽ വിവാഹം കഴിപ്പിക്കണമെന്ന് പലരും ആഗ്രഹിച്ചു. അവന് അതിനുള്ള പ്രായമായോ എന്നായിരുന്നു എന്റെ ചോദ്യം?’ അവന് 38 വയസ്സ് തികഞ്ഞപ്പോൾ, ‘ഇനി നിനക്ക് അതിനെക്കുറിച്ച് ചിന്തിക്കാം. എനിക്ക് നിനക്കുവേണ്ടി തിരഞ്ഞെടുക്കാൻ കഴിയില്ല. ഇത് നിന്റെ ജീവിതമാണ്, അതിനാൽ നിന്റെ പങ്കാളിയെ കണ്ടെത്തൂ’ എന്ന് ഞാൻ അവനോട് പറഞ്ഞു. പക്ഷേ, ഞാൻ അവനോട് ഈ 'വംശം മാറ്റാൻ' അഭ്യർത്ഥിച്ചു. ഇത് കേൾക്കുന്ന ആളുകൾ അതിനെ എതിർത്തേക്കാം, പക്ഷേ കുടുംബത്തിൽ ഒരു ഐറിഷ് അല്ലെങ്കിൽ ഇംഗ്ലീഷ് പെൺകുട്ടിയെ വേണമെന്ന് ഞങ്ങൾ ആഗ്രഹിച്ചു. പിന്നീട് ഹേസൽ ഞങ്ങളുടെ ജീവിതത്തിലേക്ക് വന്നു," അദ്ദേഹം പറഞ്ഞു.

ബ്രിട്ടീഷ് - മൗറീഷ്യൻ വംശജയും, ബോഡിഗാർഡ് പോലുള്ള സിനിമകളിലെ അഭിനയത്തിന് പേരുകേട്ട നടിയുമായ ഹേസൽ കീച്ചിനെ 2016ൽ യുവരാജ് വിവാഹം കഴിച്ചു. ഹേസൽ താൻ പ്രതീക്ഷിച്ചതും അതിലുപരിയുമായിരുന്നുവെന്നും യോഗരാജ് വ്യക്തമാക്കി. “അവർക്ക് സുന്ദരമായ കുട്ടികളുണ്ട്. അവർ എന്നെ അവരുടെ സുഹൃത്തിനെപ്പോലെയാണ് പരിഗണിക്കുന്നത്. ഹേസലിനെ ഞാൻ മരുമകൾ എന്ന് വിളിക്കുന്നില്ല, അവൾ എന്റെ മകളാണ്,” അദ്ദേഹം കൂട്ടിച്ചേർത്തു.