അലിഗഡ് മുസ്ലിം യൂണിവേഴ്സിറ്റിയിൽ സി.യു.ഇ.ടി. വഴിയല്ലാതെയും പ്രവേശനം; ഫെബ്രുവരി 8 വരെ അപേക്ഷിക്കാം

Published by:ASHLI
news18-malayalam

Last Updated:February 02, 2025 8:11 PM IST

പ്രവേശന പരീക്ഷയുടെ അടിസ്ഥാനത്തിലായിരിക്കും, പ്രസ്തുത പ്രോഗ്രാമുകളിലേയ്ക്കുള്ള പ്രവേശനം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

1875 ൽ സ്ഥാപിതമായ ഈ സർവകലാശാല, 1920 ൽ ഇന്ത്യൻ പാർലമെന്റ് പാസ്സാക്കിയ ആക്ട് പ്രകാരം കേന്ദ്ര സർവകലാശാല പദവിയിലേയ്ക്കുയർന്നു. തെക്ക്-കിഴക്ക് ഡൽഹിയിൽ നിന്ന് 130 കിലോമീറ്റർ ദൂരത്തിൽ ഉത്തർപ്രദേശിലെ അലീഗഢ് പട്ടണത്തിലാണ്‌, ഈ സർവ്വകലാശാല നിലകൊള്ളുന്നത്. കാംബ്രിഡ്ജ് സർവകലാശാലയുടെ മാതൃകയിലുള്ള സർവകലാശാല, ബ്രിട്ടീഷ് ഭരണകാലത്ത് ഭാരതത്തിൽ സ്ഥാപിതമായ ഉന്നത കലാലയങ്ങളിലൊന്നാണ്‌. സർവ്വകലാശാലയുടെ ദക്ഷിണേന്ത്യയിലെ ആദ്യ കേന്ദ്രം 2011 ഡിസംബർ 24-ന് മലപ്പുറം ജില്ലയിലെ പെരിന്തൽമണ്ണയിൽ പ്രവർത്തനമാരംഭിച്ചു.

സി.യു.ഇ.ടി.ഇതര പ്രോഗ്രാമുകൾ

രാജ്യത്തെ ഏറ്റവും മികച്ച കേന്ദ്ര സർവകലാശാലകളിലൊന്നായ അലിഗഡ് മുസ്‌ലിം സർവകലാശാലയിലെ ഭൂരിഭാഗംപ്രോഗ്രാമുകളിലേയ്ക്കും എൻ.ടി.എ. നടത്തുന്ന സി.യു.ഇ.ടി വഴിയാണ്, പ്രവേശനം. എന്നാൽ ചുരുക്കം ചില പ്രോഗ്രാമുകൾ CUET-UG യുടെ പരിധിയിൽപെടാത്തതുണ്ട്. പ്രവേശന പരീക്ഷയുടെ അടിസ്ഥാനത്തിലായിരിക്കും, പ്രസ്തുത പ്രോഗ്രാമുകളിലേയ്ക്കുള്ള പ്രവേശനം. CUET-UG യുടെ പരിധിയിൽപെടാത്ത കോഴ്സുകളുടെ പ്രവേശനത്തിനായുള്ള പ്രവേശന പരീക്ഷക്ക് ഫെബ്രുവരി 8 വരെ ഓൺലൈൻ ആയി അപേക്ഷിക്കാവുന്നതാണ്.

ലേറ്റ് ഫീയോടു കൂടി ഫെബ്രുവരി 15 വരെയും അപേക്ഷിക്കാം. അപേക്ഷയിലെ തിരുത്തലുകൾ ഫെബ്രുവരി 16 മുതൽ 18 വരെ നടത്താം.

ബിരുദ കോഴ്സുകൾ കൂടാതെ വിവിധ പ്ലസ്ടു സ്ട്രീമുകളിലേയ്ക്കും ഇപ്പോൾ അപേക്ഷിക്കാനവസരമുണ്ട്. വിവിധ കോഴ്സുകൾക്കുള്ള പ്രവേശന പരീക്ഷ, രാജ്യത്തെ വിവിധ കേന്ദ്രങ്ങളിൽ വെച്ച്, 2025 ഏപ്രിൽ മാസത്തിൽ നടക്കും.

പ്രവേശന പരീക്ഷ തീയ്യതികൾ

1.B.A. (Hons.) French, German, Spanish & International Studies: 09.04.2025

2.B.Sc. (Hons.) Agriculture: 13.04.2025

3.B.Sc. (Hons.) Science / Life Sciences: 13.04.2025

4.B.Com. (Hons.): 13.04.2025

5.B.A. (Hons.) Arts / Social Sciences: 13.04.2025

6.B.Sc. / Paramedical Courses / BRTT*

: 16.04.2025

7.B.Tech./B. Arch. (Paper-I): 20.04.2025

8. B.A.LL.B. ബി.എ. എൽ.എൽ.ബി (മലപ്പുറം കാമ്പസിലുണ്ട്): 20.04.2025

9. B.Sc. Nursing: 22.04.2025

10. Diploma in Engineering: 27.04.2025

11.Senior Secondary School (Science Stream): 27.04.2025

12.Senior Secondary School (Humanities / Commerce Stream): 27.04.2025

13.Bridge Course (for candidates with Oriental Qualification)

: 27.04.2025

കൂടുതൽ വിവരങ്ങൾക്കും അപേക്ഷ സമർപ്പണത്തിനും

https://www.amu.ac.in/offices/admission-section

http://www.amucontrollerexams.com

തയ്യാറാക്കിയത്- ഡോ. ഡെയ്സൻ പാണേങ്ങാടൻ

(കഴിഞ്ഞ 15 വർഷക്കാലമായി ബിരുദ -ബിരുദാനന്തര തലങ്ങളിൽ അധ്യാപന രംഗത്തുള്ള ഡോ. ഡെയ്സൻ പാണേങ്ങാടന് എഞ്ചിനീയറിംഗ് കോളേജിലും അധ്യാപന പരിശീലന കേന്ദ്രങ്ങളിലും പഠിപ്പിച്ച അനുഭവസമ്പത്തുണ്ട്. 2013 മുതൽ തൃശ്ശൂർ സെന്റ് തോമസ് കോളേജിലെ ഫിസിക്സ് ഡിപ്പാർട്ടുമെന്റിൽ അസി.പ്രഫസർ. കരിയർ കൗൺസലിംഗും കരിയർ ഓറിയന്റേഷൻ ക്ലാസ്സുകളും സംസ്ഥാന തലത്തിൽ നടത്തുന്നു. daisonpanengadan@gmail.com)

ഏറ്റവും പുതിയ ജോലി സാദ്ധ്യതകൾ, ബോർഡ് പരീക്ഷകൾ എല്ലാം അറിയാൻ News18 മലയാളത്തിനൊപ്പം വരൂ

Location :

Thiruvananthapuram,Kerala

First Published :

February 02, 2025 8:08 PM IST

അലിഗഡ് മുസ്ലിം യൂണിവേഴ്സിറ്റിയിൽ സി.യു.ഇ.ടി. വഴിയല്ലാതെയും പ്രവേശനം; ഫെബ്രുവരി 8 വരെ അപേക്ഷിക്കാം

അലിഗഡ് മുസ്ലിം യൂണിവേഴ്സിറ്റിയിൽ സി.യു.ഇ.ടി. വഴിയല്ലാതെയും പ്രവേശനം; ഫെബ്രുവരി 8 വരെ അപേക്ഷിക്കാം

പ്രവേശന പരീക്ഷയുടെ അടിസ്ഥാനത്തിലായിരിക്കും, പ്രസ്തുത പ്രോഗ്രാമുകളിലേയ്ക്കുള്ള പ്രവേശനം

ഫോട്ടോ

പ്രധാനപ്പെട്ട വാർത്ത