Student Visa | യുഎസിൽ ഉപരിപഠനത്തിന് താത്പര്യമുണ്ടോ? എങ്ങനെ സ്റ്റുഡൻറ് വിസ നേടാം?

യുണൈറ്റഡ് സ്റ്റേറ്റ്സിലെ ഒരു സർട്ടിഫൈഡ് സ്കൂളിലേക്ക് സ്റ്റുഡന്റ് ആൻഡ് എക്സ്ചേഞ്ച് വിസിറ്റർ പ്രോഗ്രാമിനായി (SEVP)- അപേക്ഷിക്കുക എന്നതാണ് നിങ്ങൾ ആദ്യം ചെയ്യേണ്ടത്. ലഭ്യമായ പ്രോഗ്രാമുകളുടെയും സ്കൂളുകളുടെയും കൂടുതൽ വിവരങ്ങൾക്ക് EducationUSA എന്ന വെബ്സൈറ്റ് സന്ദർശിക്കുക. എഫ്-1, എം-1 വിദ്യാർത്ഥികൾക്ക് വേണ്ട എസ്ഇവിപി-സർട്ടിഫൈഡ് സ്കൂളുകളും പ്രോഗ്രാമുകളും കണ്ടെത്തുക.

SEVP- സാക്ഷ്യപ്പെടുത്തിയ സ്‌കൂളിലേക്ക് നിങ്ങൾ തിരഞ്ഞെടുക്കപ്പെട്ടുവെങ്കിൽ സ്കൂളിൽ നിന്നും നിങ്ങൾക്ക് ഫോം I-20 അഥവാ “ഇമിഗ്രൻറ് അല്ലാത്ത വിദ്യാർത്ഥി നിലയ്ക്കുള്ള യോഗ്യതാ സർട്ടിഫിക്കറ്റ്” എന്ന ഡോക്യുമെൻറ് അയക്കും. സ്റ്റുഡന്റ് ആൻഡ് എക്സ്ചേഞ്ച് വിസിറ്റർ ഇൻഫർമേഷൻ സിസ്റ്റം (SEVIS) ഡാറ്റാബേസിലെ നിങ്ങളുടെ വിവരങ്ങളുടെ ഒരു പേപ്പർ റെക്കോർഡാണ് ഫോം I-20. നിങ്ങളെ സ്വീകരിക്കുന്ന ഓരോ സ്കൂളും നിങ്ങൾക്ക് ഒരു ഫോം I-20 മെയിൽ ചെയ്യും.

നോൺ ഇമിഗ്രന്റ് വിദ്യാർത്ഥികളുടെ വിവരങ്ങൾ സൂക്ഷിക്കുന്നതിനും യുണൈറ്റഡ് സ്റ്റേറ്റ്സിലെ അവരുടെ പഠന കാലയളവിൽ സന്ദർശകരെ അനുവദിക്കുന്നതിനുമായി തയ്യാറാക്കുന്ന ഒരു വെബ് അധിഷ്ഠിത സംവിധാനമാണ് SEVIS.

നിങ്ങൾ വിസയ്ക്ക് അപേക്ഷിക്കുമ്പോൾ പണമടച്ചതിന്റെ തെളിവായി രസീത് ഹാജരാക്കണം. നിങ്ങളുടെ I-901 SEVIS ഫീസ് രസീതിലെ SEVIS ഐഡി നമ്പർ നിങ്ങളുടെ ഫോം I-20-ലെ SEVIS ഐഡി നമ്പറുമായി യോജിക്കണമെന്നത് പ്രധാനമാണ്. അങ്ങനെ ചെയ്യുന്നില്ലെങ്കിൽ, അല്ലെങ്കിൽ ഫീസ് അടയ്‌ക്കുന്നതുമായി ബന്ധപ്പെട്ട് മറ്റ് പ്രശ്‌നങ്ങൾ നേരിടുന്നുണ്ടെങ്കിൽ, ദയവായി SEVP-യെ ബന്ധപ്പെടുക.

നിങ്ങളുടെ I-20 ഫോമിൽ ലിസ്‌റ്റ് ചെയ്‌തിരിക്കുന്ന പ്രോഗ്രാം തുടങ്ങുന്നതിന് 120 ദിവസം മുമ്പ് വരെ സ്റ്റുഡന്റ് വിസ നൽകിയേക്കാം.

യു.എസ് എംബസിയും കോൺസുലേറ്റുകളും ചേർന്ന് 2021-2022 ശൈത്യകാല വിദ്യാർത്ഥി സീസണിൽ റെക്കോർഡ് അഭിമുഖങ്ങളാണ് വിദ്യാർഥികൾക്കായി നടത്തിയിട്ടുള്ളത്. ഇനിയും അഭിമുഖം തുടരുകയാണ്. വിദ്യാർഥികൾക്ക് അവരുടെ I-20 കിട്ടുന്ന മുറയ്ക്ക് വസന്തകാലത്തിൻെറ അവസാനവും വേനൽക്കാലത്തും പരമാവധി വിദ്യാർഥികൾക്കാമയുള്ള സ്റ്റുഡന്റ് വിസ അപേക്ഷയുടെ പ്രക്രിയ തുടങ്ങും. I-20 ലഭിച്ചതിന് ശേഷം നിങ്ങളുടെ സ്റ്റുഡൻറ് വിസ അപ്പോയിന്റ്മെന്റ് ഷെഡ്യൂൾ ചെയ്യാൻ പ്ലാൻ ചെയ്യുക.

നിങ്ങൾ ആദ്യം ഒരു വ്യക്തിഗത അപ്പോയിന്റ്മെന്റ് ബുക്ക് ചെയ്യുകയാണ് വേണ്ടത്. അത് സ്ഥിരീകരിച്ച് കഴിഞ്ഞാൽ https://www.ustraveldocs.com/in/en/expedited-appointment എന്ന വെബ്സൈറ്റിൽ ഓൺലൈൻ അപ്പോയിന്റ്മെന്റ് സിസ്റ്റം വഴി നിങ്ങൾക്ക് വേഗത്തിൽ അപ്പോയിൻമെൻറ് ലഭിക്കാൻ അപേക്ഷിക്കാം. നിങ്ങളുടെ അപ്പോയിന്റ്മെന്റ് അഭ്യർത്ഥന അംഗീകരിക്കപ്പെട്ടാൽ പിന്നീട് ഇമെയിൽ വഴി മറ്റ് നിർദ്ദേശങ്ങൾ അറിയിക്കും. വേഗത്തിലുള്ള അപ്പോയിന്റ്‌മെന്റിനുള്ള അഭ്യർത്ഥന അംഗീകരിച്ചുവെന്ന സ്ഥിരീകരണം ലഭിക്കാത്തിടത്തോളം നിങ്ങളുടെ നിലവിലുള്ള അപ്പോയിന്റ്മെന്റ് റദ്ദാക്കരുത്. ഇത് വരെ അപ്പോയിൻമെൻറ് സ്വീകരിക്കുകയോ നിരസിക്കുകയോ ചെയ്തിട്ടില്ലെങ്കിൽ നിങ്ങളുടെ അപേക്ഷ പരിഗണനയിലാണ് എന്നാണർഥം.

നിങ്ങളുടെ ഇന്റർവ്യൂ അപ്പോയിന്റ്മെന്റ് സമയവും തീയതിയും ലഭിച്ചുവെങ്കിൽ ഇനി അഭിമുഖത്തിനായി ചെല്ലുമ്പോൾ താഴെ പറയുന്ന ഫോമുകളും സർട്ടിഫിക്കറ്റുകളും നിർബന്ധമായും കൊണ്ടുവരേണ്ടതാണ്.

എഫ്, എം വിസകളുള്ള വിദ്യാർത്ഥികൾക്ക് അവരുടെ കോഴ്സ് തുടങ്ങുന്നതിന് 30 ദിവസത്തിന് മുമ്പ് അമേരിക്കയിൽ പ്രവേശിക്കാൻ അനുവാദമില്ല. എന്നാൽ നിങ്ങൾക്ക് നേരത്തെ എത്തണമെങ്കിൽ സന്ദർശക വിസക്കായി (B) പ്രത്യേകമായി അപേക്ഷിക്കാവുന്നതാണ്. സന്ദർശക (ബി) വിസ സ്റ്റാറ്റസിൽ കസ്റ്റംസ് ക്ലിയറൻസ് ലഭിച്ച് അമേരിക്കയിൽ പ്രവേശിച്ചാൽ പിന്നീട് വിദ്യാർഥി വിസ സ്റ്റാറ്റസിലേക്ക് മാറുന്നതിനായി കോഴ്സ് തുടങ്ങുന്നതിന് മുമ്പ് യുഎസ് സിറ്റീസൺഷിപ്പ് ആൻറ് ഇമ്മിഗ്രേഷൻ സർവീസസിൽ വീണ്ടും അപേക്ഷിക്കണം. ഇത്തരത്തിൽ സ്റ്റാറ്റസ് മാറിയാൽ മാത്രമേ കോഴ്സിന് നിങ്ങളെ പ്രവേശിപ്പിക്കുകയുള്ളൂ. ഇതിൻെറ പ്രക്രിയക്കായി കൂടുതൽ സമയം എടുക്കാനും സാധ്യതയുണ്ട്. നിങ്ങൾക്ക് അമേരിക്കയിൽ നിന്ന് പുറത്ത് കടന്നതിന് ശേഷം സ്റ്റുഡൻറ് വിസയുമായി വീണ്ടും പ്രവേശിക്കാനും സാധിക്കും.

അമേരിക്കയിലേക്ക് യാത്ര പ്ലാൻ ചെയ്യുമ്പോൾ സ്റ്റുഡൻറ് വിസ ലഭിച്ചവർ കോഴ്സ് തുടങ്ങുന്നിത് 30 ദിവസത്തിന് അകത്ത് രാജ്യത്ത് പ്രവേശിക്കണം. അമേരിക്കയിലെത്തി എത്രയും പെട്ടെന്ന് നിങ്ങൾ ചേരാൻ പോവുന്ന സ്കൂൾ അധികൃതരുമായി ബന്ധപ്പെടുക. പിന്നീട് സ്കൂളിലെത്തുമ്പോൾ നിങ്ങളുടെ കാര്യങ്ങളുടെ ചുമതലയുള്ള സ്കൂളിലെ ഉദ്യോഗസ്ഥനെ (DSO) കാണുക. നിങ്ങളുടെ ഫോം I-20 സർട്ടിഫിക്കറ്റിൽ പറഞ്ഞിരിക്കുന്ന തീയതിക്ക് മുമ്പ് തന്നെ സ്കൂളിൽ റിപ്പോർട്ട് ചെയ്യണം.

യുണൈറ്റഡ് സ്റ്റേറ്റ്സിൽ പഠിക്കുമ്പോൾ, എഫ്, എം വിദ്യാർത്ഥികൾ ഇനിപ്പറയുന്ന ആവശ്യകതകൾ ശ്രദ്ധിക്കണം: എല്ലാ ക്ലാസുകളിലും ഹാജരാവുകയും പാസ്സാവുകയും വേണം. സ്കൂളുമായി ബന്ധപ്പെട്ട് തുടക്കത്തിൽ തന്നെ നിങ്ങൾക്ക് ബുദ്ധിമുട്ടുകൾ നേരിടുന്നുണ്ടെങ്കിൽ DSOയെ എത്രയും പെട്ടെന്ന് വിവരം അറിയിക്കുക. നിങ്ങളുടെ ഫോം I-20-ൽ എപ്പോഴാണ് കോഴ്സ് അവസാനിപ്പിക്കേണ്ടതെന്ന് വ്യക്തമാക്കിയിട്ടുണ്ടാവും. ആ ഡേറ്റിന് നിങ്ങൾക്ക് പൂർത്തിയാക്കാൻ പറ്റില്ലെന്ന് തോന്നുന്നുവെങ്കിൽ സമയം നീട്ടി നൽകുന്നതിന് വേണ്ടി ഡിഎസ്ഒയെ സമീപിക്കാവുന്നതാണ്.

ഓരോ ടേമിലും നിങ്ങൾ ഒരു മുഴുവൻ പഠന കോഴ്സും എടുക്കേണ്ടതായി വരും. നിങ്ങൾക്ക് മുഴുവൻ സമയ കോഴ്സ് പറ്റില്ലെങ്കിൽ അതും എത്രയും പെട്ടെന്ന് തന്നെ ഡിഎസ്ഒയെ അറിയിക്കണം. ഇത് കൂടാതെ ഏതെങ്കിലും ക്ലാസ് മിസ്സാക്കുകയാണെങ്കിൽ ആ വിവരവും മുൻകൂട്ടി ഡിഎസ്ഒയെ അറിയിക്കേണ്ടതുണ്ട്.

ഓപ്ഷണൽ പ്രാക്ടിക്കൽ ട്രെയിനിംഗ് (OPT) എന്നത് ഒരു F-1 വിദ്യാർത്ഥിയുടെ പ്രധാന പഠന മേഖലയുമായി നേരിട്ട് ബന്ധപ്പെട്ടിരിക്കുന്ന താൽക്കാലിക ജോലിയാണ്. അക്കാദമിക് വിദ്യാഭ്യാസം പൂർത്തിയാക്കിയതിന് മുമ്പോ ശേഷമോ ഒരു F-1 വിദ്യാർത്ഥിക്ക് 12 മാസം വരെ OPT തൊഴിൽ അംഗീകാരം ലഭിക്കുന്നതിന് അപേക്ഷിക്കാൻ സാധിക്കും.

ഒപിടി അംഗീകാരത്തിനായി അപേക്ഷിക്കുന്ന വിദ്യാർഥികളുടെ ഐ-20 ഫോമിന് മുൻകൂട്ടി ഒപിടി അംഗീകാരം ലഭിച്ചിരിക്കണം. ഇത് കൂടാതെ ഒരു തൊഴിൽ അംഗീകാര രേഖയ്ക്കായി (EAD) USCIS-ലേക്ക് അപേക്ഷിക്കുകയും വേണം. ഒപിടിയുമായി ബന്ധപ്പെട്ട് കൂടുതൽ വിവരങ്ങൾ അറിയാൻ നിങ്ങൾക്ക് താൽപര്യമുണ്ടെങ്കിൽ, ദയവായി USCIS വെബ്‌സൈറ്റും ICE ഇന്റർനാഷണൽ വിദ്യാർത്ഥികളുടെ വെബ്‌പേജും സന്ദർശിക്കുക. വിശദവിവരങ്ങൾ അതിൽ നിന്ന് ലഭിക്കും.

തീർച്ചയായും നിങ്ങൾക്ക് കാലാവധി നീട്ടാനായി അപേക്ഷിക്കാവുന്നതാണ്. അതിന് ചില മാനദണ്ഡങ്ങൾ ഉണ്ടെന്ന് മാത്രം. നിങ്ങൾ സയൻസ്, ടെക്നോളജി, എഞ്ചിനീയറിംഗ്, മാത്തമാറ്റിക്സ് (STEM) എന്നീ വിഷയങ്ങളിൽ നിങ്ങൾ ബിരുദം നേടിയിട്ടുണ്ടെങ്കിൽ നിങ്ങൾക്ക് 24 മാസം വരെ ഒടിപി നീട്ടിക്കിട്ടാൻ വേണ്ടി അപേക്ഷിക്കാൻ സാധിക്കും. STEM ബിരുദം നേടിയ ഒരു F-1 വിദ്യാർത്ഥിയാണെങ്കിലും അപേക്ഷിക്കാം. എൻറോൾ ചെയ്ത് ഇ-വെരിഫൈ ഉപയോഗിക്കുന്ന ഒരു തൊഴിലുടമയുടെ കീഴിലാണ് ജോലി ചെയ്യുന്നതെങ്കിലും കാലാവധി നീട്ടിക്കിട്ടാൻ അപേക്ഷിക്കാൻ സാധിക്കും. ഇതുമായി ബന്ധപ്പെട്ട് കൂടുതൽ വിവരങ്ങൾക്ക് ഓപ്ഷണൽ പ്രാക്ടിക്കൽ ട്രെയിനിങ് എക്സ്റ്റൻഷൻ ഫോർ സ്റ്റെം (STEM) സ്റ്റുഡൻറ്സ് എന്ന പേജ് സന്ദർശിച്ചാൽ മതി.

നോൺ ഇമിഗ്രന്റ് വിസ വിഭാഗങ്ങളിൽ പെടുന്ന അപേക്ഷകർക്ക് മാത്രമാണ് ഈ വിസാ നിയമം ബാധകമാകുന്നത്. സെക്ഷൻ 214(ബി) പ്രകാരം നിങ്ങൾക്ക് വിസ നിരസിക്കപ്പെടുകയാണെങ്കിൽ നിങ്ങൾ മനസ്സിലാക്കേണ്ടത് താഴെ പറയുന്ന കാര്യങ്ങളാണ്:

നിങ്ങൾ അപേക്ഷിച്ച നോൺ ഇമിഗ്രൻറ് വിസക്കായി ആവശ്യമുള്ള യോഗ്യത നിങ്ങൾക്കില്ല. അല്ലെങ്കിൽ യോഗ്യത തെളിയിക്കുന്നതിന് ആവശ്യമായ രേഖകൾ നിങ്ങൾക്ക് കൃത്യമായി ഹാജരാക്കാൻ സാധിച്ചില്ല.

Also Read- US സര്‍വകലാശാലകളിലേക്കുള്ള അപേക്ഷകള്‍ തയ്യാറാക്കേണ്ടത് എങ്ങനെ? എന്തെല്ലാം വിവരങ്ങള്‍ ഉള്‍പ്പെടുത്താം?

അമേരിക്കയിലെ ഇമിഗ്രൻറ് നിയമപ്രകാരം ഉദ്ദേശിച്ച ലക്ഷ്യത്തിലേക്ക് നിങ്ങളെ ഉൾക്കൊള്ളാൻ നിർവാഹമില്ല. അതായത് നിങ്ങൾക്ക് നിങ്ങളുടെ മാതൃരാജ്യവുമായി അഭേദ്യമായ ബന്ധമുണ്ടെന്ന് നൽകിയ രേഖകളിൽ നിന്ന് വ്യക്തമായിട്ടുണ്ടാവും. അതിനാൽ തന്നെ യുണൈറ്റഡ് സ്റ്റേറ്റ്സിൽ നിൽക്കേണ്ട കാലാവധി കഴിഞ്ഞാൽ വളരെ പെട്ടെന്ന് തന്നെ നിങ്ങൾ നാട്ടിലേക്ക് മടങ്ങാൻ നിർബന്ധിതനാവും. യുഎസ് ഇമിഗ്രൻറ് നിയമങ്ങൾ ഇത് പ്രോത്സാഹിപ്പിക്കുന്നില്ല.

എല്ലാതരം വിസയുടെ കാര്യത്തിലും ഇത് ബാധകമല്ല. സ്റ്റുഡൻറ് വിസയ്ക്കുള്ള അപേക്ഷകർക്കാണ് പ്രധാനമായി ഈ നിയമം ബാധകമാവുന്നത. എച്ച്-1ബി, എൽ വിസ അപേക്ഷകർക്ക് ഇക്കാരണങ്ങളാൽ വിസ നിഷേധിക്കപ്പെടില്ല. കൂടാതെ അവരുടെ പങ്കാളികളുടെയും പ്രായപൂർത്തിയാവാത്ത കുട്ടികളുടെയും കാര്യത്തിലും ഈ നിയമം ബാധകമല്ല.

Also Read- Education | വിദേശത്ത് പഠിക്കണോ?; വാതിലുകൾ തുറന്ന് യു.എസ് യൂണിവേഴ്സിറ്റികളും കോളേജുകളും; സാധ്യതകൾ അറിയാം

സെക്ഷൻ 214(ബി) പ്രകാരം നിങ്ങളുടെ വിസ നിരസിക്കപ്പെടുകയാണെങ്കിൽ ഒരു കാര്യം കൂടി ഉറപ്പിക്കാവുന്നതാണ്. നിങ്ങളുടെ വിസ അപേക്ഷക്കായുള്ള നിലവിലുള്ള അവസരം ഇതോടെ അവസാനിച്ചു. ഇനി മറ്റൊരവസരത്തിൽ മാത്രമേ നിങ്ങൾക്ക് വിസ അപേക്ഷിക്കാൻ സാധിക്കുകയുള്ളൂ.