School Reopening | ഒരു ബെഞ്ചില് രണ്ടു പേര്; ഉച്ചഭക്ഷണത്തിന് പകരം അലവന്സ്; സ്കൂള് തുറക്കാന് കരട് മാര്ഗരേഖയായി
- Published by:Jayesh Krishnan
- news18-malayalam
Last Updated:
പ്ലസ് വണ് പ്രവേശനത്തില് ആശങ്ക വേണ്ടെന്ന് വിദ്യാഭ്യാസ മന്ത്രി വി ശിവന്കുട്ടി പറഞ്ഞു.
തിരുവനന്തപുരം: സംസ്ഥാനത്ത് സ്കൂള് തുറക്കാന് കരട് മാര്ഗരേഖയായി. ഒരു ബെഞ്ചില് രണ്ടുപേര് എന്ന രീതിയില് ആയിരിക്കും ക്രമീകരണങ്ങള്. കൂട്ടം ചേരാന് അനുവദിക്കില്ല. സ്കൂളിന് മുന്നിലെ കടകളില് പോയി ഭക്ഷണം കഴിക്കാന് അനുവദിക്കില്ല. ഓട്ടോയില് രണ്ട് കുട്ടികളില് കൂടുതല് പാടില്ല. സ്കൂളുകളില് ഉച്ചഭക്ഷണം ഇല്ല, പകരം അലവന്സ് നല്കും.
ഭിന്നശേഷിക്കാരായ കുട്ടികളെ ആദ്യഘട്ടത്തില് അയക്കേണ്ടതില്ല. ചെറിയ ലക്ഷണങ്ങള് ആദ്യഘട്ടത്തില് അയക്കേണ്ടതില്ല. അഞ്ചു ദിവസത്തിനകം അന്തിമ രേഖ പുറപ്പെടുവിക്കും. ശശീര ഊഷ്മാവ്, ഓക്സിജന് എന്നിവ പരിശോധിക്കാന് സംവിധാനം ഒരുക്കും. ക്ലാസ് റൂമുകള്ക്ക് മുന്നില് കൈ കഴുകാന് സോപ്പും വെള്ളവും ഉണ്ടാകും.
രോഗത്തിന്റെ ചെറിയ ലക്ഷണം ഉണ്ടെങ്കില് പോലും കുട്ടികളെ സ്കൂളില് വിടരുത്. സ്കൂള് വൃത്തിയാക്കാന് ശുചീകരണ യജ്ഞം നടത്തും. സ്കൂള് തുറക്കും മുന്പ് സ്കൂള്തല പിടിഎ യോഗം ചേരും.
ക്ലാസുകളുടെ ക്രമീകരണം, മുന്നൊരുക്കങ്ങള് എന്നിവയ്ക്ക് അധ്യാപക സംഘടനകളുമടക്കം വിപുലമായ ചര്ച്ചകളിലേക്കാണ് സര്ക്കാര് നീങ്ങുന്നതെന്ന് വിദ്യാഭ്യാസ മന്ത്രി വി ശിവന്കുട്ടി വ്യക്തമാക്കി. നവംബര് ഒന്നിന് സ്കൂള് തുറക്കാനാണ് സര്ക്കാര് നീക്കം.
advertisement
പ്ലസ് വണ് പ്രവേശനത്തില് ആശങ്ക വേണ്ടെന്ന് വിദ്യാഭ്യാസ മന്ത്രി വി ശിവന്കുട്ടി പറഞ്ഞു. മുഴുവന് വിദ്യാര്ത്ഥികള്ക്കും അവസരം കിട്ടും. സീറ്റ് ഒഴിഞ്ഞുകിടക്കുന്ന ജില്ലകളില് നിന്ന് കുറവുള്ള ജില്ലകളിലേക്ക് മാറ്റും. മലബാര് മേഖലയില് 20 ശതമാനം സീറ്റ് കൂട്ടിയെന്നും മന്ത്രി പറഞ്ഞു.
സംസ്ഥാനത്ത് പ്ലസ് വണ് പരീക്ഷയ്ക്ക് ഇന്ന് തുടക്കമാവും; എഴുതുന്നത് 4.17 ലക്ഷം കുട്ടികൾ
സംസ്ഥാനത്ത് പ്ലസ് വണ് പരീക്ഷയ്ക്ക് ഇന്ന് തുടക്കമാവും. ആകെ 4.17 ലക്ഷം കുട്ടികളാണ് പരീക്ഷ എഴുതുന്നത്. ഏറ്റവും കൂടുതല് കുട്ടികള് പരീക്ഷ എഴുതുന്നത് മലപ്പുറം ജില്ലയിലാണ്, 75,590 കുട്ടികള്. നേരത്തെ സുപ്രീം കോടതി ഇടപെടലിനെ തുടര്ന്ന് മാറ്റിവെച്ച പരീക്ഷ നടത്താന് കോടതി തന്നെ അനുമതി നല്കുകയായിരുന്നു. കര്ശന സുരക്ഷാക്രമീകരണങ്ങളാണ് പരീക്ഷയ്ക്കായി ഒരുക്കിയിരിക്കുന്നത്.
advertisement
കോവിഡ് മാനദണ്ഡം കൃത്യമായി പാലിച്ച് കൊണ്ടാണ് പരീക്ഷ നടത്തുക. കുട്ടികളുടെ സുരക്ഷയുടെ ഉത്തരവാദിത്തം സംസ്ഥാന സര്ക്കാരിനാണെന്ന് സുപ്രീംകോടതി പറഞ്ഞ പശ്ചാത്തലത്തില് വീഴ്ചകള് ഇല്ലാതിരിക്കാനുള്ള വലിയ ശ്രമമാണ് സംസ്ഥാന സര്ക്കാര് നടത്തുന്നത്. സാമൂഹ്യ അകലം പാലിക്കുന്നതടക്കം ഓരോ കാര്യങ്ങളും ശ്രദ്ധിച്ച് കൊണ്ടാകും പരീക്ഷാ നടത്തിപ്പ്.
Click here to add News18 as your preferred news source on Google. ഏറ്റവും പുതിയ ജോലി സാദ്ധ്യതകൾ, ബോർഡ് പരീക്ഷകൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
Sep 24, 2021 4:19 PM IST
മലയാളം വാർത്തകൾ/ വാർത്ത/Career/
School Reopening | ഒരു ബെഞ്ചില് രണ്ടു പേര്; ഉച്ചഭക്ഷണത്തിന് പകരം അലവന്സ്; സ്കൂള് തുറക്കാന് കരട് മാര്ഗരേഖയായി
