ന്യൂനപക്ഷ വിദ്യാർത്ഥിനികളുടെ ശ്രദ്ധക്ക്! കോഴ്‌സ് ഫീസും ഹോസ്റ്റല്‍ ഫീസും ലഭിക്കുന്ന CH മുഹമ്മദ് കോയ സ്കോളർഷിപ്പിന് അപേക്ഷിക്കാം
- Published by:Rajesh V
- news18-malayalam
Last Updated:
മെറിറ്റ് സീറ്റിൽ അഡ്മിഷൻ ലഭിച്ച് സ്വാശ്രയ മെഡിക്കൽ കോളേജുകളിലും എഞ്ചിനിയറിംഗ് കോളേജുകളിലും റഗുലർ ആർട്ട്സ് & സയൻസ് കോളേജുകളിലും അഡ്മിഷൻ ലഭിച്ചവർക്ക് അപേക്ഷിക്കാം
സംസ്ഥാനത്തെ സർക്കാർ/സർക്കാർ എയ്ഡഡ് വിദ്യാഭ്യാസ സ്ഥാപനങ്ങളിൽ ബിരുദം, ബിരുദാനന്തര ബിരുദം, പ്രൊഫഷണൽ കോഴ്‌സുകളിൽ പഠിക്കുന്ന പെൺകുട്ടികൾക്ക് സി എച്ച് മുഹമ്മദ് കോയ സ്കോളർഷിപ്പ്/ഹോസ്റ്റൽ സ്റ്റൈപ്പൻഡ്‌ ലഭിക്കുന്നതിന് സംസ്ഥാന ന്യൂനപക്ഷ ക്ഷേമവകുപ്പ് അപേക്ഷ ക്ഷണിച്ചു. 2023-2024 അധ്യയനവർഷം വിവിധ കോഴ്സുകൾക്ക് ( ബിരുദം, ബിരുദാനന്തര ബിരുദം, പ്രൊഫഷണൽ കോഴ്‌സുകളിൽ) ചേർന്നവർക്കാണ് ഇപ്പോൾ അപേക്ഷിക്കാൻ അവസരം.
മെറിറ്റ് സീറ്റിൽ അഡ്മിഷൻ ലഭിച്ച് സ്വാശ്രയ മെഡിക്കൽ കോളേജുകളിലും എഞ്ചിനിയറിംഗ് കോളേജുകളിലും റഗുലർ ആർട്ട്സ് & സയൻസ് കോളേജുകളിലും അഡ്മിഷൻ ലഭിച്ചവർക്ക് അപേക്ഷിക്കാം. മുൻവർഷങ്ങളിൽ അപേക്ഷിക്കാതെ, ഇപ്പോൾ ഉയർന്ന ബിരുദ ക്ലാസ്സിൽ പഠിക്കുന്നവർക്കും അപേക്ഷിക്കാനവസരമുണ്ട്. അപേക്ഷ സമർപ്പിക്കുന്നതിനുള്ള അവസാന തീയതി ഫെബ്രുവരി 24 ആണ്.
കുടുംബ വാർഷിക വരുമാനത്തിന്റെ അടിസ്ഥാനത്തിലാണ് വിദ്യാർത്ഥികളെ തിരഞ്ഞെടുക്കുന്നത്. ബിപിഎൽ വിഭാഗത്തിൽപ്പെടുന്ന അപേക്ഷകർക്ക്, മുൻഗണനയുണ്ട്.
യോഗ്യത പരീക്ഷയിൽ, അപേക്ഷകർക്ക് 50% മാർക്കുണ്ടായിരിക്കണം.
കേരളസർക്കാർ ന്യൂനപക്ഷമായി അംഗീകരിച്ചിട്ടുള്ള ക്രിസ്ത്യൻ/ മുസ്ലിം/ സിഖ് / പാഴ്സി / ജൈന /ബുദ്ധ വിഭാഗങ്ങളിൽപ്പെടുന്നവരും ഏതെങ്കിലും ദേശസാത്കൃത ബാങ്ക്/ഷെഡ്യൂൾഡ് ബാങ്കിൽ സ്വന്തം പേരിൽ അക്കൗണ്ട് ഉള്ളവരുമായിരിക്കണം.
advertisement
പ്രതിവർഷം,സ്കോളർഷിപ്പ് /ഹോസ്റ്റൽ സ്റ്റൈപ്പൻഡ്‌ എന്നിവയ്ക്കാണ് , അപേക്ഷിക്കാനവസരമുള്ളത്. ഒരു വിദ്യാർഥിനിക്ക് സ്കോളർഷിപ്പ് അല്ലെങ്കിൽ ഹോസ്റ്റൽ സ്റ്റൈപ്പൻഡ്‌ എന്നിവയിൽ ഏതെങ്കിലും ഒന്നിന് അപേക്ഷിക്കാം. കോളേജ് ഹോസ്റ്റലുകളിൽ താമസിക്കുന്നവർക്കും സ്ഥാപനമേധാവി അംഗീകരിച്ചിട്ടുള്ള സ്വകാര്യ ഹോസ്റ്റലുകളിൽ താമസിക്കുന്നവർക്കും ഹോസ്റ്റൽ സ്റ്റൈപ്പൻഡിനായി അപേക്ഷിക്കാവുന്നതാണ്.
സ്കോളർഷിപ്പ് ആനുകൂല്യം
ബിരുദം:5000/- രൂപ
ബിരുദാനന്തര ബിരുദം:6000/- രൂപ
പ്രൊഫഷണൽ കോഴ്‌സ് :7000/- രൂപ
ഹോസ്റ്റൽ സ്റ്റൈപ്പൻഡ്‌ : 13,000/- രൂപ
അപേക്ഷ സമർപ്പണത്തിനും കൂടുതൽ വിവരങ്ങൾക്കും
advertisement
ഫോൺ
0471 2300524
0471 2302090
തയാറാക്കിയത് : ഡോ ഡെയ്സൻ പാണേങ്ങാടൻ
(കഴിഞ്ഞ 15 വർഷക്കാലമായി ബിരുദ -ബിരുദാനന്തര തലങ്ങളിൽ അധ്യാപന രംഗത്തുള്ള ഡോ. ഡെയ്സൻ പാണേങ്ങാടന് എഞ്ചിനീയറിംഗ് കോളേജിലും അധ്യാപന പരിശീലന കേന്ദ്രങ്ങളിലും പഠിപ്പിച്ച അനുഭവസമ്പത്തുണ്ട്. 2013 മുതൽ തൃശ്ശൂർ സെന്റ് തോമസ് കോളേജിലെ ഫിസിക്സ് ഡിപ്പാർട്ടുമെന്റിൽ അസി.പ്രഫസർ. കരിയർ കൗൺസലിംഗും കരിയർ ഓറിയന്റേഷൻ ക്ലാസ്സുകളും സംസ്ഥാന തലത്തിൽ നടത്തുന്നു. (daisonpanengadan@gmail.com)
ഏറ്റവും പുതിയ ജോലി സാദ്ധ്യതകൾ, ബോർഡ് പരീക്ഷകൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
February 15, 2024 7:11 PM IST
മലയാളം വാർത്തകൾ/ വാർത്ത/Career/
ന്യൂനപക്ഷ വിദ്യാർത്ഥിനികളുടെ ശ്രദ്ധക്ക്! കോഴ്‌സ് ഫീസും ഹോസ്റ്റല്‍ ഫീസും ലഭിക്കുന്ന CH മുഹമ്മദ് കോയ സ്കോളർഷിപ്പിന് അപേക്ഷിക്കാം
