INSPIRE: പഠന കാലയളവിൽ 4 ലക്ഷം വരെ; സയൻസ് ബിരുദ വിദ്യാർത്ഥികൾക്കുള്ള ഇൻസ്പയർ സ്കോളർഷിപ്പിന് ഇപ്പോൾ അപേക്ഷിക്കാം

Published by:Rajesh V
news18-malayalam

Last Updated:Sep 02, 2024 10:27 AM IST

വരുമാന പരിധികളില്ലാതെ ആർക്കും അപേക്ഷിക്കാവുന്ന സ്കോളർഷിപ്പ് കൂടിയാണിത്. 2023-2024 അധ്യയന വർഷം പ്ലസ്ടു പൂർത്തീകരിച്ചവർക്ക് മാത്രമാണ് അപേക്ഷിക്കാനവസരം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

സയൻസ് വിഷയങ്ങളിൽ ബിരുദത്തിനു പഠിക്കുന്ന വിദ്യാർത്ഥികൾക്ക് ലഭിക്കുന്ന നമ്മുടെ രാജ്യത്തെ മികച്ച സ്കോളർഷിപ്പുകളിലൊന്നായ ഇൻസ്പയർ (SHE) സ്കോളർഷിപ്പിന് ഇപ്പോൾ അപേക്ഷിക്കാം. ഒന്നാം വർഷ സയൻസ് ബിരുദ വിദ്യാർത്ഥികൾക്കാണ് അപേക്ഷിക്കാനവസരം. പഠന കാലയളവിൽ 3-4 ലക്ഷം രൂപയുടെ സ്കോളർഷിപ്പ് ലഭിക്കാനവസരം ലഭിക്കുന്ന INSPIRE (SHE) - 2024 സ്കോളർഷിപ്പിന് സെപ്റ്റംബർ 1 മുതൽ ഒക്ടോബർ 15 വരെ അപേക്ഷ സമർപ്പിക്കാം. വരുമാന പരിധികളില്ലാതെ ആർക്കും അപേക്ഷിക്കാവുന്ന സ്കോളർഷിപ്പ് കൂടിയാണിത്. 2023-2024 അധ്യയന വർഷം പ്ലസ്ടു പൂർത്തീകരിച്ചവർക്ക് മാത്രമാണ് അപേക്ഷിക്കാനവസരം. മുൻ വർഷങ്ങളിൽ +2 പാസ്സ് ആയവർക്ക് അപേക്ഷിക്കാൻ സാധ്യമല്ല.

ആർക്കൊക്കെ അപേക്ഷിക്കാം

അപേക്ഷകർ, BSc, BS, Integrated MSc, Integrated MS എന്നീ കോഴ്സുകളിലൊന്നിൽ ഒന്നാം വർഷം പഠിക്കുന്ന വിദ്യാർത്ഥികളായിരിക്കണം. പ്ലസ്ടു/തത്തുല്യം പഠിച്ച ബോർഡിൽ ഏറ്റവും ഉയർന്ന മാർക്ക് നേടിയ 1% വിദ്യാർത്ഥികൾക്കാണ് സ്കോളർഷിപ്പ്. ഇതു കൂടാതെ JEE Advanced, NEET, NTSE തുടങ്ങിയ പരീക്ഷകളിൽ ഉന്നത റാങ്ക് നേടിയ ശേഷം സയൻസ് വിഷയങ്ങളിൽ ഡിഗ്രി ചെയ്യുന്നവർക്കും അവസരമുണ്ട്.

ഉയർന്ന മാർക്ക് നേടിയ 1% വിദ്യാർത്ഥികൾക്കാണ്, അവസരം. കഴിഞ്ഞ അധ്യയന വർഷങ്ങളിൽ 98% ന് മുകളിൽ ആയിരുന്നു, കട്ട് ഓഫ് മാർക്ക്. ഓരോ വർഷവും കട്ട് ഓഫ് മാർക്കുകൾ കൂടാനും കുറയാനും സാധ്യത ഉള്ളതിനാൽ 97% മുകളിൽ മാർക്കുള്ള വിദ്യാർത്ഥികളെല്ലാവരും അപേക്ഷ സമർപ്പിക്കുന്നതാണ് നല്ലത്.

സ്കോളർഷിപ്പ് ആനുകൂല്യം

ഒരൊറ്റ തിരഞ്ഞെടുപ്പിൽ തുടർച്ചയായി അഞ്ചു വർഷക്കാലം (ബിരുദം, ബിരുദാനന്തര ബിരുദം)

സ്കോളർഷിപ്പ് തുകയായി പ്രതിവർഷം 60,000/- രൂപയും പ്രൊജകട് അലവൻസായി 20,000/- രൂപ വരെയും ബിരുദാനന്തര ബിരുദ പഠന കാലം വരെ ലഭിക്കുന്നതാണ്.

ഏതൊക്കെ വിഷയങ്ങളിൽ ബിരുദം ചെയ്യുന്നവർക്ക് അപേക്ഷിക്കാം

1. Physics

2. Chemistry

3. Mathematics

4. Biology

5. Statistics

6. Geology

7. Astrophysics

8. Astronomy

9. Electronics

10. Botany

11. Zoology

12. Bio-chemistry

13. Anthropology

14. Microbiology

15. Geophysics

16. Geochemistry

17. Atmospheric sciences

18. Oceanic Sciences.

അപേക്ഷിക്കാൻ വേണ്ട രേഖകൾ

1.Photo

2.Class X Mark Sheet

3.Class XII Mark Sheet

4.Endorsement Form

5.Certificate specifying Rank or Award in IIT-JEE/AIPMT/ NEET/ KVPY /JBNSTS/NTSE /International Olympic Medalists (if applicable)

അപേക്ഷാ ക്രമം

ഓൺലൈൻ ആയാണ് അപേക്ഷ സമർപ്പിക്കേണ്ടത്.വിദ്യാർത്ഥികൾ അപേക്ഷയുടെ പ്രിന്റ് ഔട്ട്‌ കോളേജിൽ നൽകേണ്ടതില്ല. എന്നാൽ കോളേജിലെ വിദ്യാർത്ഥിയാണെന്ന് പ്രിൻസിപ്പൽ സാക്ഷ്യപ്പെടുത്തുന്ന Endorsment form നിർബന്ധമായും അപ്ലോഡ് ചെയ്യേണ്ടതുണ്ട്. വിദ്യാർത്ഥിയുടെ ബാങ്ക് ഡീറ്റെയിൽസ്, അപേക്ഷ സമർപ്പിക്കുന്ന് സമയത്ത് നൽകേണ്ടതില്ല. എന്നാൽ തിരഞ്ഞെടുക്കപ്പെടുന്ന സമയത്ത് ബാങ്ക് എക്കൗണ്ട് വിവരങ്ങൾ നൽകണം.

കൂടുതൽ വിവരങ്ങൾക്കും

അപേക്ഷ സമർപ്പണത്തിനും

https://online-inspire.gov.in/

തയാറാക്കിയത്: ഡോ. ഡെയ്സൻ പാണേങ്ങാടൻ

(കഴിഞ്ഞ 15 വർഷക്കാലമായി ബിരുദ -ബിരുദാനന്തര തലങ്ങളിൽ അധ്യാപന രംഗത്തുള്ള ഡോ. ഡെയ്സൻ പാണേങ്ങാടന് എഞ്ചിനീയറിംഗ് കോളേജിലും അധ്യാപന പരിശീലന കേന്ദ്രങ്ങളിലും പഠിപ്പിച്ച അനുഭവസമ്പത്തുണ്ട്. 2013 മുതൽ തൃശ്ശൂർ സെന്റ് തോമസ് കോളേജിലെ ഫിസിക്സ് ഡിപ്പാർട്ടുമെന്റിൽ അസി.പ്രഫസർ. കരിയർ കൗൺസലിംഗും കരിയർ ഓറിയന്റേഷൻ ക്ലാസ്സുകളും സംസ്ഥാന തലത്തിൽ നടത്തുന്നു. (daisonpanengadan@gmail.com)