ന്യൂനപക്ഷ വിദ്യാർത്ഥിനികൾക്ക് കോഴ്‌സ് ഫീസും ഹോസ്റ്റല്‍ ഫീസും; സി.എച്ച്. മുഹമ്മദ് കോയ സ്കോളർഷിപ്പ് പുതുക്കാം

തിരുവനന്തപുരം: സംസ്ഥാനത്തെ സർക്കാർ/ സർക്കാർ എയ്ഡഡ് വിദ്യാഭ്യാസ സ്ഥാപനങ്ങളിൽ ബിരുദം, ബിരുദാനന്തര ബിരുദം, പ്രൊഫഷണൽ കോഴ്‌സുകളിൽ പഠിക്കുന്ന പെൺകുട്ടികൾക്ക് ഈ അധ്യയന വർഷത്തേയ്ക്കുള്ള(2024-25) സി.എച്ച്. മുഹമ്മദ് കോയ സ്കോളർഷിപ്പ്/ഹോസ്റ്റൽ സ്റ്റൈപ്പൻഡ്‌ ( പുതുക്കൽ) ലഭിക്കുന്നതിന് സംസ്ഥാന ന്യൂനപക്ഷ ക്ഷേമവകുപ്പ് അപേക്ഷ ക്ഷണിച്ചിട്ടുണ്ട്. മുൻഅധ്യയനവർഷങ്ങളിൽ വിവിധ കോഴ്സുകൾക്ക് ( ബിരുദം, ബിരുദാനന്തര ബിരുദം, പ്രൊഫഷണൽ കോഴ്‌സുകളിൽ) ചേർന്നവർക്കാണ്, ഇപ്പോൾ പുതുക്കൽ അപേക്ഷ സമർപ്പിക്കാൻ അവസരം നൽകിയിട്ടുള്ളത്.