ഐ.ഐ.ടികളിലടക്കം പിന്നാക്കവിദ്യാർഥികൾക്ക് സംസ്ഥാന സർക്കാർ സ്കോളർഷിപ്പ്
- Published by:Sarika KP
- news18-malayalam
Last Updated:
ഇതിനായി 14 വർഷം പഴക്കമുള്ള ഉത്തരവ് പട്ടികജാതി-പട്ടികവർഗ വികസന വകുപ്പ് പരിഷ്കരിച്ചു.
ഐ.ഐ.ടികളിലടക്കം പിന്നാക്കവിദ്യാർഥികൾക്ക് സംസ്ഥാന സർക്കാർ സ്കോളർഷിപ്പ്. ദേശീയപ്രാധാന്യമുള്ള എല്ലാ വിദ്യാഭ്യാസസ്ഥാപനങ്ങളിലും പഠിക്കാൻ പട്ടികജാതി, പട്ടികവർഗ വിദ്യാർഥികൾക്ക് അവസരം ഒരുക്കുന്ന തരത്തിലുളള സ്കോളർഷിപ്പ് നൽകാനാണ് സംസ്ഥാന സർക്കാർ തീരുമാനം . ഇതിനായി 14 വർഷം പഴക്കമുള്ള ഉത്തരവ് പട്ടികജാതി-പട്ടികവർഗ വികസന വകുപ്പ് പരിഷ്കരിച്ചു.
ഫീസ് മുൻകൂട്ടി അടയ്ക്കാതെ സ്വകാര്യവിദ്യാഭ്യാസ സ്ഥാപനങ്ങളിൽ പ്രവേശനം ലഭിക്കാൻ ഫ്രീഷിപ്പ് കാർഡുകളും ഏർപ്പെടുത്തും. അതിനായി ഇ-ഗ്രാന്റ്സ് പോർട്ടലിൽ രജിസ്റ്റർ ചെയ്ത് ജാതി-വരുമാന വിദ്യാഭ്യാസ സർട്ടിഫിക്കറ്റുകളും ഫോട്ടോയും സമർപ്പിക്കണം.
വിദ്യാഭ്യാസത്തിൽ പട്ടികജാതി-പട്ടികവർഗ വിദ്യാർ ഥികളുടെ മാഗ്നാകാർട്ടയാണ് ഈ ഉത്തരവെന്നാണ് സർക്കാർ വിശേഷണം. ഇതിനുമുമ്പ് 2009 ലാണ് വിദ്യാഭ്യാസ ആനുകൂല്യങ്ങൾക്കായി ഉത്തരവിറക്കിയത്.
എവിടെയെല്ലാം
രാജ്യത്തെവിടെയുമുള്ള ഐ.ഐ.ടി.കൾ, കല്പിതസർവകലാശാലകൾ, സി.എ., ഐ.സി.ഡബ്ല്യു.എ., സി.എഫ്.എ., സി.ജി. കോഴ്സുകൾ, പുതുതലമുറ കോഴ്സു കൾ തുടങ്ങിയവയെല്ലാം സ്കോളർഷിപ്പുണ്ടാവും.
advertisement
സ്കോളർഷിപ്പ് ഇങ്ങനെ
- അർഹത, സംസ്ഥാനത്തിനു പുറത്തുള്ള പഠനത്തിന് മെറിറ്റ്-റിസർവേഷൻ അടിസ്ഥാനത്തിൽ പ്രവേശനം നേടിയവർക്ക്
- സർക്കാർ അംഗീകൃത സ്വകാര്യ സർവകലാശാലകളിലും വൊക്കേഷണൽ ട്രെയിനിങ് സ്ഥാപനങ്ങളിലും പ്രവേശനം നേടുന്നവർക്ക് തുക ലഭിക്കും.
- വിദൂര, ഓൺലൈൻ, പാർട് ടൈം, ഈവനിങ് കോഴ്സുകൾ പഠിക്കുന്നവർക്കും ട്യൂഷൻ പരീക്ഷാ-സ്പെ ഷ്യൽ ഫീസുകൾ ലഭിക്കും.
- പിഎച്ച്.ഡി., എം.ഫിൽ., എം.ടെക്., എം.ലിറ്റ് കോഴ്സുകളിൽ യു.ജി.സി.-ഗേറ്റ് പാസാകാത്തവർക്ക് യു.ജി.സി. തുകയുടെ 75 ശതമാനം ഫെലോഷിപ്പും കണ്ടിജന്റ് ഗ്രാന്റുമായി നൽകും.
- സംസ്ഥാന സർക്കാരിന്റെ ലപ്സം ഗ്രാന്റ്, സ്റ്റൈപ്പന്റ്, പോക്കറ്റ് മണി എന്നിവ സ്റ്റേക്ക് അക്കാദമിക് അലവൻസ് എന്ന പേരിൽ ഒറ്റത്തവണയായി ഇ-ഗ്രാന്റ്സ് പോർട്ടൽ മുഖേന നൽകും.
advertisement
ഏറ്റവും പുതിയ ജോലി സാദ്ധ്യതകൾ, ബോർഡ് പരീക്ഷകൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
January 11, 2023 7:54 PM IST
മലയാളം വാർത്തകൾ/ വാർത്ത/Career/
ഐ.ഐ.ടികളിലടക്കം പിന്നാക്കവിദ്യാർഥികൾക്ക് സംസ്ഥാന സർക്കാർ സ്കോളർഷിപ്പ്
