Covid 19 | ബിജെപി മുതിർന്ന നേതാവും എംഎൽഎയുമായ സുരേന്ദ്ര ജീന കോവിഡ് ബാധിച്ച് മരിച്ചു

ഡൽഹി ആസ്ഥാനമാക്കി പ്രവർത്തിക്കുന്ന വ്യവസായി ആയ സുരേന്ദ്ര ജീന, മൂന്ന് തവണയാണ് എംഎൽഎ സ്ഥാനത്തേക്ക് ജയിച്ചു കയറിയത് ഉത്തരാഖണ്ഡിലെ ഭിഗിയസെന്‍ മണ്ഡലത്തിൽ നിന്നും 2007ലാണ് ആദ്യം തെരഞ്ഞെടുപ്പിനിറങ്ങിയത്. തുടർന്ന് ഈ മണ്ഡലം സാൾട്ട് എന്ന പേരിലേക്ക് മാറ്റി. ഇവിടെ നിന്നും 2012ലും 2017ലും അദ്ദേഹം വിജയിച്ചിരുന്നു. പ്രത്യേകിച്ച് ഒരു വിഭാഗവുമായി ചേർന്ന് നിൽക്കാത്ത സുരേന്ദ്ര ജീന പാർട്ടിക്കുള്ളിലെ നിഷ്പക്ഷൻ എന്നാണ് അറിയപ്പെട്ടിരുന്നത്. സഭയ്ക്കുള്ളിൽ ചോദ്യങ്ങൾ ഉന്നയിക്കുന്ന സമയങ്ങളിൽ സ്വന്തം പാർട്ടി-പ്രതിപക്ഷ പാർട്ടി എന്ന വിവേചനവും അദ്ദേഹം കാണിച്ചിരുന്നില്ല.