കൊറോണ വൈറസ് പരത്തുന്നു എന്നാരോപിച്ച് വനിതാ ഡോക്ടര്‍മാര്‍ക്ക് നേരെ കയ്യേറ്റം

കഴിഞ്ഞ ദിവസം രാത്രിയോടെയാണ് ഡോക്ടർമാർക്ക് നേരെ കയ്യേറ്റമുണ്ടായത്. ഡ്യൂട്ടി കഴിഞ്ഞ് ആശുപത്രിക്ക് സമീപത്തുള്ള കടയിൽ സാധനം വാങ്ങാനെത്തിയതായിരുന്നു ഇവർ. ഇതിനിടെ ഒരാള്‍ ഇവരോട് മാറി നില്‍ക്കാൻ ആവശ്യപ്പെട്ടു. കൊറോണ വൈറസ് പരത്തുന്നവർ എന്നാക്രോശിച്ചു കൊണ്ടായിരുന്നു ഇത്. എന്നാൽ വനിതാ ഡോക്ടര്‍മാർ തിരിച്ച് പ്രതികരിച്ചതോടെ അക്രമാസക്തനായ ഇയാൾ ഇവരുടെ കരണത്തടിക്കുകയും കയ്യേറ്റം ചെയ്യുകയും ആയിരുന്നു.

കൊറോണ വ്യാപന ഭീതിയിൽ രാജ്യത്തെ പലയിടങ്ങളിലും ഡോക്ടര്‍മാർ ഉള്‍പ്പെടെയുള്ള ആരോഗ്യ പ്രവർത്തകർക്ക് നേരെ അതിക്രമങ്ങൾ പതിവായിരിക്കുകയാണ്. ഇത്തരം വിവേചനം ഒരിക്കലും വച്ചു പൊറുപ്പിക്കല്ലെന്നും ശക്തമായ നടപടികള്‍ നേരിടേണ്ടി വരുമെന്നും പ്രധാനമന്ത്രി തന്നെ നേരിട്ട് മുന്നറിയിപ്പും നൽകിയിട്ടുണ്ട്.. എങ്കിലും ഇപ്പോഴും ഒറ്റപ്പെട്ട അതിക്രമങ്ങൾ പലയിടത്തു നിന്നും റിപ്പോർട്ട് ചെയ്യപ്പെടുന്നുണ്ട്.

.