Covid 19 | സംസ്ഥാനത്ത് കോവിഡ് വ്യാപിക്കുന്നു; മൂന്ന് മരണം; ഡിസംബറിൽ കേസുകൾ കൂടുമെന്ന് മുന്നറിയിപ്പ്

തിരുവനന്തപുരം: സംസ്ഥാനത്ത് കോവിഡ് വ്യാപനം കൂടുന്നതായി റിപ്പോർട്ട്. ഇപ്പോൾ രോഗവ്യാപനം കൂടാൻ കാരണം ഒമിക്രോൺ സബ് വേരിയന്‍റാണെന്നും സ്ഥിതിഗതികൾ നിരീക്ഷിച്ചുവരികയാണെന്നും ആരോഗ്യവകുപ്പ് മന്ത്രി വീണാ ജോർജ് പറഞ്ഞു. സംസ്ഥാനത്ത് പ്രതിദിന കേസുകൾ 12ൽനിന്ന് 150 വരെയായി ഉയർന്നിട്ടുണ്ട്. മരണനിരക്കും വർദ്ധിക്കാൻ സാധ്യതയുണ്ടെന്ന് ആരോഗ്യവിദഗ്ദർ മുന്നറിയിപ്പ് നൽകുന്നത്. സംസ്ഥാനത്ത് ഡിസംബറിൽ മൂന്ന് കോവിഡ് മരണങ്ങൾ റിപ്പോർട്ട് ചെയ്തിട്ടുണ്ട്. രാജ്യത്ത് എട്ട് മരണങ്ങളാണ് റിപ്പോർട്ട് ചെയ്തിട്ടുള്ളത്. ദ ന്യൂ ഇന്ത്യൻ എക്സ്പ്രസ് റിപ്പോർട്ട് ചെയ്തതാണ് ഇക്കാര്യം.