ഇറാന്റെ പുതിയ പരമോന്നത നേതാവ് മൊജ്തബ ഖമനിയയ്ക്ക് പരിക്ക് ? യുഎസ്- ഇസ്രയേൽ സംയുക്ത വ്യോമാക്രമണത്തിലെന്ന് സൂചന

ആക്രമണം എപ്പോൾ ഉണ്ടായിയെന്നതിനെ കുറിച്ചോ മൊജ്തബ ഖമനിയയുടെ പരിക്കുകളെ കുറിച്ചോയുള്ള വിവരങ്ങൾ പുറത്തുവന്നിട്ടില്ല. കഴിഞ്ഞ ദിവസമാണ് ഇസ്രയേൽ- യുഎസ് സംയുക്ത ആക്രമണത്തിൽ കൊല്ലപ്പെട്ട ആയത്തുള്ള അലി ഖമനിയയുടെ മകൻ മൊജ്തബ ഖമനിയെ ഇറാന്റെ പുതിയ പരമോന്നത നേതാവായി തെരഞ്ഞെടുത്തത്. എന്നാൽ ചടങ്ങിൽ മൊജ്തബ പങ്കെടുത്തിരുന്നില്ലെന്ന് ഇറാനിയൻ‌ മാദ്ധ്യമങ്ങൾ റിപ്പോർട്ട് ചെയ്തിരുന്നു. ഇത് കൂടുതൽ സംശയങ്ങൾക്ക് വഴിവയ്ക്കുകയായിരുന്നു.

ഫെബ്രുവരി 28-നാണ് ആയത്തുള്ള ഖമനിയയും ഭാര്യയും മകളും ഇസ്രയേലിന്റെ വ്യോമാക്രമണത്തിൽ കൊല്ലപ്പെട്ടത്. ആക്രമണത്തിൽ മൊജ്തബയ്ക്കും പരിക്കേറ്റിട്ടുണ്ടാകാം എന്നാണ് അഭ്യൂ​ഹം.