GHQ App | കാസർകോട് ജനറലാശുപത്രിയിൽ ഇനി കാത്തുനിന്ന് മുഷിയണ്ട; വെർച്വൽ ക്യൂ ആപ്പുമായി LBS എഞ്ചിനിയറിങ് കോളേജ്

കാസര്‍ഗോഡ്: തിരക്ക് ഒഴിവാക്കാൻ ഹൈടെക്കായി കാസർകോട് ജനറലാശുപത്രി. വെർച്വൽ ക്യൂ ആപ്പ് സജ്ജമാക്കിയാണ് ആശുപത്രിയിലെ തിരക്ക് നിയന്ത്രിക്കുന്നത്. അടച്ചിടൽ നിയന്ത്രണങ്ങൾ ഒഴിവാക്കിയതോടെ ആശുപത്രിയിൽ തിരക്കേറി. ഈ സാഹചര്യമൊഴിവാക്കാനാണ് ജിഎച്ച്ക്യൂ വെർച്വൽ ക്യൂ ആപ്പ് ഒരുക്കിയിരിക്കുന്നത്. സംസ്ഥാനത്ത് ഇതാദ്യമായാണ് ഒരു ജനറൽ ആശുപത്രിയിൽ ഒ.പി ടോക്കണിനുവേണ്ടി വെർച്വൽ ക്യൂ ആപ്പ് ഒരുക്കിയിരിക്കുന്നത്. എൽബിഎസ് എഞ്ചിനിയറിങ് കോളേജ് വിദ്യാർഥികളാണ് ആപ്പ് ഒരുക്കിയിരിക്കുന്നത്.