കോവിഡ് സ്ഥിരീകരിച്ചയാളുടെ മൃതദേഹം 'കാണാതായി': ഹോസ്പിറ്റൽ ജീവനക്കാർക്കെതിരെ കേസ്

കത്തിക്കുത്തേറ്റ് മരിച്ച 27കാരന്‍റെ മൃതദേഹം ഈ ഞായറാഴ്ചയാണ് ആശുപത്രിയിൽ നിന്ന് കാണാതായത്. കുടുംബവഴക്കിനിടയിൽ ബന്ധുക്കളുടെ കുത്തേറ്റ യുവാവിനെ ഇക്കഴിഞ്ഞ ജൂൺ മൂന്നിനാണ് ആശുപത്രിയിൽ പ്രവേശിപ്പിച്ചത്. വൈകാതെ മരിച്ചുവെങ്കിലും കോവിഡ് പരിശോധന വേണമെന്ന് ആശുപത്രി അധികൃതർ ആവശ്യപ്പെട്ടിരുന്നു. ഇതിനെ തുടർന്നാണ് രാജവാഡി ആശുപത്രിയിലെത്തിക്കുന്നത്. ജൂൺ അഞ്ചോടെ ഇയാൾക്ക് കോവിഡ് സ്ഥിരീകരിച്ചുവെന്ന് ആശുപത്രി അധികൃതർ അറിയിച്ചത്. ഇതിന് പിന്നാലെ ബന്ധുക്കള്‍ മൃതദേഹം ഏറ്റുവാങ്ങാനെത്തിയപ്പോഴാണ് കാണാനില്ലെന്ന് ആശുപത്രി അധികൃതർക്കും മനസിലായത്.