HOME » NEWS » Corona »

Covid 19 | രാജ്യത്ത് കോവിഡ് കേസുകൾ കുറയുന്നു; രോഗമുക്തി നേടുന്നവരുടെ എണ്ണത്തിൽ വർധനവ്

കഴിഞ്ഞ ദിവസം റിപ്പോർട്ട് ചെയ്യപ്പെട്ട 496 മരണങ്ങൾ ഉൾപ്പെടെ ഇതുവരെ 1,22,607 കോവിഡ് മരണങ്ങളാണ് രാജ്യത്ത് റിപ്പോർട്ട് ചെയ്യപ്പെട്ടിട്ടുള്ളത്.

News18 Malayalam | news18-malayalam
Updated: November 2, 2020, 10:37 AM IST
Covid 19 | രാജ്യത്ത് കോവിഡ് കേസുകൾ കുറയുന്നു; രോഗമുക്തി നേടുന്നവരുടെ എണ്ണത്തിൽ വർധനവ്
News18 Malayalam
  • Share this:
ന്യൂഡൽഹി: രാജ്യത്ത് പ്രതിദിന കോവിഡ് കേസുകൾ കുറഞ്ഞു വരികയാണ്. കഴിഞ്ഞ ഇരുപത്തിനാല് മണിക്കൂറിനിടെ 45,230 കോവിഡ് കേസുകളാണ് പുതിയതായി റിപ്പോർട്ട് ചെയ്യപ്പെട്ടത്. ഇതോടെ ആകെ രോഗബാധിതരുടെ എണ്ണം 82 ലക്ഷം കടന്നു. ആരോഗ്യ-കുടുംബക്ഷേമ മന്ത്രാലയത്തിന്‍റെ ഏറ്റവും പുതിയ കണക്കുകൾ അനുസരിച്ച് ഇതുവരെ 82,29,313 പേർക്കാണ് കോവിഡ് സ്ഥിരീകരിച്ചത്. ഇതിൽ 75,44,798 പേർ രോഗമുക്തി നേടിയിട്ടുണ്ട്. നിലവിൽ 5,61,908 പേരാണ് ചികിത്സയിൽ തുടരുന്നത്.

Also Read-Covid 19 | സമ്പർക്കത്തിലുണ്ടായിരുന്നയാൾക്ക് കോവിഡ്; ലോകാരോഗ്യ സംഘടന മേധാവി സെൽഫ് ക്വറന്‍റീനിൽ

രോഗമുക്തി നേടുന്നവരുടെ എണ്ണം കൂടുന്നതും മരണനിരക്ക് കുറയുന്നതും ആശ്വാസം നൽകുന്നുണ്ട്. 91.68% ആണ് രാജ്യത്തെ രോഗമുക്തി നിരക്ക്. പ്രതിദിന കണക്കിൽ രോഗികളെക്കാൾ രോഗമുക്തി നേടുന്നവരുടെ എണ്ണമാണ് കൂടുതലെന്നതും ആശ്വാസം വർധിപ്പിക്കുന്നുണ്ട്. കഴിഞ്ഞ ദിവസം മാത്രം 53,285 പേരാണ് കോവിഡ് മുക്തി നേടിയത്. അതുപോലെ തന്നെ 1.49% ആണ് ഇവിടെ മരണനിരക്ക്. കഴിഞ്ഞ ദിവസം റിപ്പോർട്ട് ചെയ്യപ്പെട്ട 496 മരണങ്ങൾ ഉൾപ്പെടെ ഇതുവരെ 1,22,607 കോവിഡ് മരണങ്ങളാണ് രാജ്യത്ത് റിപ്പോർട്ട് ചെയ്യപ്പെട്ടിട്ടുള്ളത്.





പോസിറ്റിവിറ്റി റേറ്റും 6.83% ആയി കുറഞ്ഞിട്ടുണ്ട്. അതേസമയം ആഗോളതലത്തിൽ കോവിഡ് കേസുകൾ നാലരക്കോടി കഴിഞ്ഞിട്ടുണ്ട്. പന്ത്രണ്ടു ലക്ഷത്തിലധികം മരണവും റിപ്പോർട്ട് ചെയ്യപ്പെട്ടിട്ടുണ്ട്.
Published by: Asha Sulfiker
First published: November 2, 2020, 10:37 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories