Coronavirus Drug Remdesivir| കൊറോണ മരുന്ന് റെംഡെസിവിർ നിർമിക്കാനും വിൽക്കാനും ഇന്ത്യൻ കമ്പനിക്ക് കരാർ

കൊറോണ അടിയന്തരഘട്ടത്തിൽ റെംഡെസിവിർ ഉപയോഗിക്കാൻ ഈ മാസമാദ്യം ഗിലെഡിന് അമേരിക്ക അനുമതി നൽകിയിരുന്നു. ''ഞങ്ങൾ ക്ലിനിക്കൽ പരീക്ഷണങ്ങൾ നിരീക്ഷിക്കുകയാണ്. ബന്ധപ്പെട്ട അനുമതി ലഭിച്ചാൽ മരുന്ന് വിപണിയിലിറക്കും. മരുന്ന് ഘടകങ്ങൾ സ്വന്തമായി തന്ന നിർമിക്കുന്നതും ആലോചനയിലുണ്ട്. ഇത് ചെലവ് കുറയ്ക്കാനും ലഭ്യത ഉറപ്പാക്കാനും സഹായിക്കും'' - ജൂബിലന്റ് ലൈഫ് സയൻസസിന്റെ ശ്യാം ഭാർദിയയും ഹരി ഭാർദിയയും പറഞ്ഞു.

എബോളാ വ്യാധിക്കെതിരെയാണ് ഈ മരുന്ന് 2014ല്‍ പുറത്തിറക്കിയത്. തുടര്‍ന്ന് ഇത് മേര്‍സ്, സാര്‍സ് എന്നീ രോഗങ്ങള്‍ക്ക് ചികിത്സിക്കാന്‍ ഉപയോഗിച്ചു വരികയായിരുന്നു. ജനുവരി മാസം മുതല്‍ തങ്ങളുടെ ഗവേഷകര്‍ റെംഡെസിവിര്‍ കോവിഡ്19 രോഗികളില്‍ പ്രവര്‍ത്തിക്കുന്നുണ്ടോ എന്നറിയാന്‍ രാപ്പകലില്ലാതെ പണിയെടുക്കുകയായിരുന്നുവെന്നാണ് ഗിലെഡ് പറയുന്നത്. റെംഡെസിവിർ രോഗികളുടെ വിഷമതകള്‍ കുറയ്ക്കാന്‍ സഹായച്ചേക്കുമെന്ന നിഗമനത്തിലാണ് തങ്ങള്‍ എത്തിയതെന്നാണ് ഗിലെഡ് സയന്‍സസ് വ്യക്തമാക്കിയിരുന്നു.