COVID 19 | ഇതാ ഒരു ശുഭവാർത്ത; കൊറോണ ബാധിതരുടെ ചികിത്സക്ക് 69 മരുന്നുകൾ ഫലപ്രദമെന്ന് ശാസ്ത്രജ്ഞരുടെ കണ്ടെത്തൽ

പുതിയ ആന്റി വൈറൽ കണ്ടുപിടിക്കാൻ ശ്രമിക്കുന്നതിനേക്കാൾ ഈ മരുന്നുകൾ ഉപയോഗിച്ചുള്ള ചികിത്സ ഫലപ്രദമാകുമെന്നും ഗവേഷക സംഘം

News18 Malayalam | news18-malayalam
Updated: March 23, 2020, 12:16 PM IST
COVID 19 | ഇതാ ഒരു ശുഭവാർത്ത; കൊറോണ ബാധിതരുടെ ചികിത്സക്ക് 69 മരുന്നുകൾ ഫലപ്രദമെന്ന് ശാസ്ത്രജ്ഞരുടെ കണ്ടെത്തൽ
covid19
  • Share this:
കൊറോണ വൈറസ് ബാധിതരെ ചികിത്സിക്കാൻ 70 ഓളം മരുന്നുകളും പരീക്ഷണാത്മക സംയുക്തങ്ങളും ഫലപ്രദമാകുമെന്ന് ഗവേഷക സംഘം. ഇവയിൽ ചില മരുന്നുകൾ ഇതിനകം തന്നെ മറ്റ് രോഗങ്ങളെ ചികിത്സിക്കാൻ ഉപയോഗിക്കുന്നുണ്ട്. കൊറോണ വൈറസ് മൂലമുണ്ടാകുന്ന അസുഖമായ കോവിഡ്19 ചികിത്സിക്കാൻ ഇവ ഉപയോഗപ്പെടുത്തുന്നത്, പുതിയ ആന്റി വൈറൽ കണ്ടുപിടിക്കാൻ ശ്രമിക്കുന്നതിനേക്കാൾ വേഗത്തിൽ സാധ്യമാകുമെന്ന് ശാസ്ത്രജ്ഞർ പറയുന്നു.

ബയോ റിക്സിവ് എന്ന വെബ്‌സൈറ്റിൽ പ്രസിദ്ധീകരിച്ച പഠനത്തിലാണ് മരുന്നുകളുടെ പട്ടിക പ്രത്യക്ഷപ്പെട്ടത്. SARS-CoV-2 എന്നും വിളിക്കുന്ന വൈറസിന്റെ ജനിതക ഘടന പരിശോധിച്ചശേഷമാണ് പട്ടികയുമായി നൂറുകണക്കിന് പേരടങ്ങിയ ഗവേഷക സംഘം രംഗത്തെത്തിയത്.

ശ്വാസകോശത്തെ ബാധിക്കാൻ, കൊറോണ വൈറസ് അതിന്റെ ജീനുകൾ അകത്തേക്ക് പ്രവേശിപ്പിക്കണം. കോശത്തിന്റെ സ്വന്തം ജനിതക സംവിധാനങ്ങളുമായി സഹകരിച്ചാണ് ഇവ പ്രവർത്തിക്കുക. ഇതോടെ ഈ കോശം വൈറൽ പ്രോട്ടീനുകൾ ഉത്പാദിപ്പിക്കാൻ തുടങ്ങുന്നു. അവ ദശലക്ഷക്കണക്കിന് പുതിയ വൈറസുകൾ ഉത്പാദിപ്പിക്കാൻ ഉപയോഗിക്കുന്നു. ഈ വൈറൽ പ്രോട്ടീനുകൾ‌ ഓരോന്നും ആവശ്യമായ മനുഷ്യ പ്രോട്ടീനുകളുമായി കലർന്ന് പ്രവർത്തിക്കുന്നു.

You may also like:'What is Lockdown? 12 സംസ്ഥാനങ്ങളിൽ ലോക്ക്ഡൗൺ; അറിയേണ്ടതെല്ലാം [NEWS]COVID 19 | ജർമ്മൻ ചാൻസലർ ആംഗെല മെർക്കൽ സെൽഫ് ക്വാറന്റൈനിൽ [PHOTO]COVID 19| കേരളം പൂര്‍ണ്ണമായി അടച്ചിടുന്നതിനെ കുറിച്ച് ആലോചിക്കണം; മുഖ്യമന്ത്രിക്ക് രമേശ് ചെന്നിത്തലയുടെ കത്ത് [NEWS]

കൊറോണ വൈറസിന്റെ 29 ഓളം ജീനുകളിൽ 26 എണ്ണത്തെ കുറിച്ച് ശാസ്ത്രജ്ഞർ പരിശോധന നടത്തി. 332 മനുഷ്യ പ്രോട്ടീനുകളെയാണ് കൊറോണ വൈറസ് ലക്ഷ്യമിടുന്നതെന്നാണ് പഠനത്തിൽ കണ്ടെത്തിയിരിക്കുന്നത്. ചില വൈറൽ പ്രോട്ടീനുകൾ ഏതെങ്കിലും ഒരു മനുഷ്യ പ്രോട്ടീനുകളെ മാത്രം ലക്ഷ്യമിടുമ്പോൾ ചിലത് ഒരു ഡസനോളം മനുഷ്യ കോശ പ്രോട്ടീനുകളെ ലക്ഷ്യമിട്ട് പ്രവർത്തിക്കുന്നുവെന്നും പഠനത്തിൽ കണ്ടെത്തി.

കൊറോണ വൈറസ് മനുഷ്യകോശങ്ങളിൽ പ്രവേശിച്ച് പ്രവർത്തിക്കുന്ന മനുഷ്യ പ്രോട്ടീനുകളുമായി ബന്ധിപ്പിക്കുന്ന മരുന്നുകളെ കുറിച്ചാണ് ഗവേഷകർ അന്വേഷിച്ചത്. കാൻസർ, പാർക്കിൻസൺസ് രോഗം, രക്താതിമർദ്ദം എന്നിവയുമായി ബന്ധമില്ലാത്തതും മറ്റ് രോഗങ്ങളെ ചികിത്സിക്കുന്നതിനായി ഫുഡ് ആൻഡ് ഡ്രഗ് അഡ്മിനിസ്ട്രേഷൻ അംഗീകരിച്ചതുമായ 24 മരുന്നുകൾ സംഘം ഒടുവിൽ തിരിച്ചറിഞ്ഞു.

ടൈപ്പ് 2 പ്രമേഹമുള്ള ആളുകൾ ഉപയോഗിക്കുന്ന ഹാലോപെരിഡോൾ, സ്കീസോഫ്രീനിയ ചികിത്സിക്കാൻ ഉപയോഗിക്കുന്ന മെറ്റ്ഫോർമിൻ തുടങ്ങിയ അപ്രതീക്ഷിത മരുന്ന് കാൻഡിഡേറ്റുകൾ പട്ടികയിൽ ഉണ്ടായിരുന്നു. ഇപ്പോൾ ക്ലിനിക്കൽ പരീക്ഷണങ്ങളിലുള്ളതോ ആദ്യകാല ഗവേഷണ വിഷയങ്ങളിലോ ഉള്ള സംയുക്തങ്ങൾക്കിടയിലും കാൻഡിഡേറ്റുകളെ ഗവേഷകർ കണ്ടെത്തി. കൗതുകകരമെന്നു പറയട്ടെ, പരാന്നഭോജികളെ ആക്രമിക്കാൻ ഉപയോഗിക്കുന്ന മരുന്നുകളാണ് സാധ്യമായ ചില ചികിത്സാമാർഗം.

ബാക്ടീരിയകളെ നശിപ്പിക്കുന്ന ആൻറിബയോട്ടിക്കുകൾ വരെ പട്ടികയിൽ ഉൾപ്പെടുന്നു. എന്നാൽ അത്തരം മരുന്നുകളിൽ ചിലത് മനുഷ്യ പ്രോട്ടീനുകളുമായി ബന്ധപ്പെട്ടിരിക്കുന്നു. ഇതിന്റെ പാർശ്വഫലങ്ങൾ ഒരു ആന്റി വൈറൽ ചികിത്സയായി മാറാനുള്ള സാധ്യത പുതിയ പഠനം ഉയർത്തുന്നു.

പട്ടികയിലെ ഒരു മരുന്നായ ക്ലോറോക്വിൻ, മലേറിയയ്ക്ക് കാരണമാകുന്ന ഒറ്റ സെൽ പരാന്നഭോജിയെ കൊല്ലുന്നവയാണ്. ഇവയെ സിഗ്മ -1 റിസപ്റ്റർ എന്നറിയപ്പെടുന്ന മനുഷ്യ സെല്ലുലാർ പ്രോട്ടീനുമായി അറ്റാച്ചുചെയ്യാമെന്ന് ശാസ്ത്രജ്ഞർക്ക് ഏറാക്കാലം മുന്നേ അറിയാം. ആ റിസപ്റ്ററും വൈറസ് കടന്നാക്രമിക്കാൻ സാധ്യതയുള്ള ഒന്നാണ്.

കൊറോണ വൈറസിനെതിരെ ഉപയോഗിക്കുന്നതിനെ കുറിച്ചുള്ള ഊഹാപോഹങ്ങളെ തുടർന്ന് ക്ലോറോക്വിൻ കഴിഞ്ഞ ആഴ്ച വാർത്തകളിൽ ഇടം നേടിയിരുന്നു. ‌‌‌കൊറോണ വൈറസിനെതിരെ ക്ലോറോക്വിൻ സുരക്ഷിതവും ഫലപ്രദവുമാണോയെന്ന് വിശദമായ പരിശോധനകളിലൂടെ മാത്രമേ തെളിയിക്കാനാകൂവെന്നും വിദഗ്ധര്‍ പറയുന്നു. മറ്റ് മരുന്നുകൾക്കൊപ്പം ക്ലോറോക്വിനിൻ ഉപയോഗത്തെ കുറിച്ചും പരിശോധനകൾ നടത്തുമെന്ന് ലോകാരോഗ്യ സംഘടന ബുധനാഴ്ച പ്രഖ്യാപിച്ചിട്ടുണ്ട്.

 


!function(e,i,n,s){var t="InfogramEmbeds",d=e.getElementsByTagName("script")[0];if(window[t]&&window[t].initialized)window[t].process&&window[t].process();else if(!e.getElementById(n)){var o=e.createElement("script");o.async=1,o.id=n,o.src="https://e.infogram.com/js/dist/embed-loader-min.js",d.parentNode.insertBefore(o,d)}}(document,0,"infogram-async");
First published: March 23, 2020, 12:16 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading